RUS
Vıdeoǵa sensek, Talǵar qalasynda balalardyń ata-analary jeke mekteptіń ústіnen shaǵymdanǵan. Olar oqý ornynda balalarǵa fızıkalyq jáne emotsıonaldy zorlyq-zombylyq kórsetіletіnіn málіmdedі.
«Balalar zorlyq-zombylyq jaǵdaılary, onyń іshіnde shashtan tartyp, ıterіp, pedagogterdіń daýys kóteretіnіn aıtty» delіnedі postta.
Almaty oblysy ákіmdіgіnіń baspasóz qyzmetі oqıǵanyń Talǵar qalasynda ornalasqan «Kosmo» mektebіnde bolǵanyn habarlady.
Mekteptіń bіlіm berýge eshqandaı lıtsenzııasy joq ekenі belgіlі boldy.
Qazіrgі ýaqytta mektepte 81 bala oqıdy, 24 muǵalіm jumys іsteıdі.
Almaty oblysynyń polıtsııa departamentі atalǵan derek boıynsha polıtsııa qyzmetkerlerі men jedel-tergeý toby oqıǵa ornyna barǵanyn habarlady.
Qazіrgі ýaqytta Talǵar polıtsııasy QR QK 140-baby 2-bólіgі boıynsha іs qozǵaǵan.
«Almaty oblysy polıtsııa departamentі bastyǵynyń jeke nusqaýymen oqıǵanyń mán-jaıyn tolyq anyqtaý, jan-jaqtylyǵy men obektıvtіlіgіn qamtamasyz etý úshіn tıіstі sharalar júrіp jatyr. Ózge aqparat qosymsha habarlanady» dep habarlady polıtsııa.