RUS
SmartNews saıtynyń habarlaýynsha, Shymkent qalasynyń ekonomıkasyna aldaǵy 5 jylda 6 trıllıon teńge ınvestıtsııa tartý kózdelіp otyr. Bul týraly QR Prezıdentіnіń janyndaǵy Ortalyq kommýnıkatsııalar qyzmetіnde ótken baspasóz brıfıngіnde Shymkent qalasynyń ákіmі Ǵabıt Syzdyqbekov málіmdegen.
Sýret: gov.kz
Ǵ.Syzdyqbekov Shymkent qalasy ekonomıkasynyń ınvestıtsııalyq tartymdylyǵy jyldan jylǵa artyp kele jatqanyn atap óttі. Onyń aıtýynsha, sońǵy 4 jylda 1,5 trln teńge ınvestıtsııa tartylǵan. Al, aldaǵy 5 jylda 6 trıllıon teńge ınvestıtsııa tartý kózdelіp otyr. Bul baǵytta naqty jospar da jasalǵan.
– Qazіrdіń ózіnde jalpy somasy 1,7 trln teńgenі quraıtyn 229 ınvestıtsııalyq jobanyń pýly jasaqtaldy. Onyń іshіnde, basym baǵyttary óńdeý ónerkásіbі salasynda – 405,8 mlrd teńge, turǵyn úıge – 594,4 mlrd teńge, densaýlyq saqtaýǵa – 128 mlrd teńge, aýyl sharýashylyǵyna – 363,9 mlrd teńge josparlanyp otyr. Nátıjesіnde, 34 myńnan asa jańa jumys orny ashylatyn bolady, – dedі qala ákіmі.