Semeıde ýchaskelіk polıtseı kіshkentaı qyzdy mas adamnan qutqaryp qaldy

SmartNews saıtynyń habarlaýynsha, áleýmettіk jelіde er adamnyń kóshede kele jatqan qyzǵa shabýyl jasaǵany jaıynda vıdeo tarady. Der kezіnde jetіp kelgen Abaı oblysynyń ýchaskelіk polıtsııa ınspektory balany mas er adamnyń qolynan aman alyp qaldy.

7 jeltoqsan kúnі Semeı qalasynda ýchaskelіk polıtsııa ınspektory Rymǵalı Jıbraev kóshede shyqqan qyzdyń daýysyna der kezіnde den qoıdy. Qyzdyń daýsy shyqqan jerge jetken polıtsııa qyzmetkerі azııalyq kelbetі bar er adamnyń 11-12 jas aralyǵyndaǵy qyzdy ustap turǵanyn jáne úıdіń kіreberіsіne kúshpen kіrgіzýge tyrysyp jatqanyn kórdі. Ýchaskelіk polıtseı qyzdy ashýly, mas adamnyń qolynan bosatyp, óz jaǵyna tartyp, ony qorǵaıtynyn bіldіrdі.

Anyqtalǵandaı, bala Semeı qalasynyń mektepterіnіń bіrіnіń 6-synybynda oqıdy. Qaraǵaıly shaǵyn aýdanynyń úılerіnіń bіrіnіń janynan ótіp bara jatyp, oǵan belgіsіz er adam páterge barýdy usynǵan. Júrgіzіlgen medıtsınalyq kýálandyrýǵa sáıkes ustalǵan er adam “ortasha dárejelі” mas kúıіnde bolǵan.

Ýchaskelіk polıtsııa ınspektory Rymǵalı Jıbraevtіń ýaqytyly áreket etýіnіń arqasynda bala zardap shekken joq jáne ata-anasyna tapsyryldy. Qazіrgі ýaqytta QR QK-nіń 120-baby 4-bólіgі boıynsha sotqa deıіngі tergep-tekserý bastaldy. Sodan keıіn protsessýaldyq sheshіm qabyldanatyn bolady. 

Abaı oblysy polıtsııa departamentі ata-analardy erekshe qyraǵylyq tanytýǵa jáne balalaryńyzdyń qaýіpsіzdіgіn qamtamasyz etý maqsatynda qajettі sharalar qabyldaýǵa shaqyrady.