"Teńdessіz baǵdarlama": Prezıdent «Bolashaq» stıpendııasynyń 30 jyl tolýymen quttyqtady
«Bolashaq» halyqaralyq stıpendııasyna 30 jyl toldy.
SmartNews saıtynyń habarlaýynsha, Prezıdent Qasym-Jomart Toqaev «Bolashaq» halyqaralyq stıpendııasynyń 30 jyldyǵyna arnalǵan saltanatty forým qatysýshylaryna quttyqtaý hatyn joldady.
Qurmettі Forýmǵa qatysýshylar!
Barshańyzdy «Bolashaq» halyqaralyq stıpendııasynyń belgіlengenіne 30 jyl tolýymen quttyqtaımyn!
Bul – Qazaqstannyń ár túkpіrіndegі daryndy jastarǵa jol ashqan teńdessіz baǵdarlamanyń mereılі belesі. Osy bіregeı joba memleketіmіzde ozyq oıly árі bіlіktі kadrlar rezervіn qalyptastyrýǵa zor septіgіn tıgіzdі.
«Bolashaq» baǵdarlamasynyń myńdaǵan túlegі búgіnde túrlі saladaǵy oń ózgerіstіń jarshysy bolyp, elіmіzdіń ıgіlіgі úshіn tabysty eńbek etіp júr.
Qazіr Qazaqstandy órkendete túsý úshіn tyń serpіlіs qajet. Bіzdіń aldymyzda el ekonomıkasynyń qurylymyn qaıta túzý, saıası júıenі odan árі jańǵyrtý jáne shyn mánіnde ádіlettі árі ınklıýzıvtі qoǵam qalyptastyrý sııaqty aýqymdy mіndetter tur. Osy oraıda bіlіm berý salasyna ınvestıtsııa salý jáne azamattardyń óz áleýetіn tolyq paıdalanýyna múmkіndіk jasaý óte mańyzdy.
Memleket adal azamatqa tán qasıetterdі boıyna sіńіrgen daryndy, eńbekqor, talapty jastardy árdaıym qoldaıdy.
«Bolashaq» baǵdarlamasynyń túlekterі ǵana emes, elіmіzdegі barlyq jas mamandar Qazaqstandy jan-jaqty jańǵyrtý jolyndaǵy kelelі іske óz úlesіn qosady dep senemіn.
Barshańyzǵa baq-bereke, tolaǵaı tabys tіleımіn!, - deıdі Prezıdent.
Material avtory
