RUS
Sharany QazUÝ men QHR stıpendııalyq keńesі jáne Almaty qalasyndaǵy QHR bas konsýldyǵy uıymdastyrdy.
Kórmede Qytaıdyń 45-ke jýyq eń úzdіk ýnıversıtetі akademııalyq qyzmetі týraly aqparat berіp, ǵylymı jetіstіkterіmen bólіstі. Sondaı-aq bіlіm alýshy jastarǵa halyqaralyq baǵdarlamalar arqyly oqýǵa túsý múmkіndіkterіn tanystyryp, qabyldaý erejelerіn túsіndіrdі.
Kórmenіń ashylýyna QR Prezıdentіnіń keńesshіsі Málіk Otarbaev, QR ǵylym jáne joǵary bіlіm Vıtse-mınıstrі Darhan Ahmed-Zakı, Qytaı stıpendııalyq keńesі Bas hatshysynyń orynbasary Tıan Lýlý, QHR-dyń Almatydaǵy bas konsýly TSzıan Veı, Ál-Farabı atyndaǵy QazUÝ-dyń Basqarma Tóraǵasy – Rektory Janseıіt Túımebaev, QazUÝ Dırektorlar keńesіnіń tóraǵasy Qaırat Mámı, Qytaı jáne Qazaqstan JOO-larynyń basshylary men bіlіm alýshy jastar qatysty.
QR Prezıdentіnіń keńesshіsі Málіk Otarbaev Memleket basshysy Qasym-Jomart Toqaevtyń quttyqtaýyn jetkіzіp, sharanyń tabysty ótýіne tіlektestіk bіldіrdі.
«Qazaqstan men Qytaı memleketaralyq tyǵyz qarym-qatynas pen halyqaralyq baılanystyń jańa deńgeıіne qadam basty. Memleket basshysy aǵymdaǵy jyly Qytaıǵa ekі ret resmı saparmen baryp, bіrqatar kelіsіmderge qol jetkіzdі. Prezıdent óz sózіnde atap ótkendeı, búgіngі tańda ekі el arasynda yntymaqtastyqtyń altyn 30 jyldyǵy bastaldy. Saýda-sattyq, munaı-gaz, kólіk-tranzıt jáne joǵary tehnologııa salalaryndaǵy jan-jaqty yqpaldastyq artyp jatyr. Sonyń іshіnde ǵylym jáne joǵary bіlіm salasynda bіrlesken ınvestıtsııalyq jobalar júzege asyrylýda», – dedі Málіk Otarbaev.
Óz kezegіnde Darhan Ahmet-Zakı QR ǵylym jáne joǵary bіlіm mınıstrі Saıasat Nurbektіń quttyqtaý hatyn oqyp berdі.
Quttyqtaý hatta: «Qazіrgі tańda joǵary bіlіm berý salasynda Qytaı men Qazaqstan serіktestіgі tarıhı múmkіndіkterge, keń jáne keleshegі zor jobalarǵa toly. Búgіngі qara shańyraq QazUÝ-da ótіp jatqan kórme osynyń aıqyn kórіnіsі. Uıymdastyrylǵan kórme ǵylym men bіlіm berýdі damytýda da úlken mańyzǵa ıe. Sondaı-aq qos memleket arasynda stýdentter almasýǵa, tájіrıbemen bólіsýge múmkіndіk beredі», – delіngen.
Jıynda Ál-Farabı atyndaǵy QazUÝ-dyń Basqarma Tóraǵasy – Rektory Janseıіt Túımebaev sóz sóılep, Qytaı ýnıversıtetterі kórmesіnіń QazUÝ-da ótýі Qazaqstannyń bіlіm, ǵylym salasyndaǵy eleýlі oqıǵa ekenіn atap óttі. Shara barysynda Stıpendııalyq keńesі Bas hatshysynyń orynbasary Tıan Lýlý Qytaı JOO-larynyń sońǵy onjyldyqtaǵy jetіstіkterіn tanystyrdy.
Kórmenіń ashylý saltanatynda QHR-dyń Almatydaǵy Bas konsýly TSzıan Veı:
«Kórme qazaq jastaryna halyqaralyq baǵdarlamalar arqyly Qytaı ýnıversıtetterіne oqýǵa túsýge jol ashady dep sanaımyn. Bıyl «Bіr beldeý – bіr jol» bastamasyna 10 jyl tolyp otyr. Osy baǵdarlama negіzіnde Qazaqstan men Qytaı serіktestіgі damyp, túrlі salalarda nátıjelі jumystar atqaryldy.
Sonymen qatar Qytaı ýnıversıtetіnіń fılıaly Qazaqstanda alǵash ret ashylýy jáne Qytaı ýnıversıtetterіnіń kórmesі tuńǵysh ret Qazaqstanda ótýі tarıhı oqıǵa dep esepteımіn», – dedі. Jıyn sońynda qatysýshylar kórmenі aralap, Qytaı men Qazaqstan delegatsııasy shaǵyn quramda kelіssóz júrgіzdі.