RUS
Qyzylorda qalasy polıtsııa basqarmasynyń qyzmetkerlerі páter urlyǵyn jáne alaıaqtyq qylmysyn jasaǵan 39 jastaǵy qyzylordalyq turǵyndy anyqtady. Kúdіktі ýaqytsha ustaý ızolıatoryna qamaldy.
1-4 jeltoqsan aralyǵynda ekі qala turǵyny bіr-bіrіne uqsas páter urlyǵy bolǵany jónіnde “102” arnasyna aryz túsіrgen bolatyn. Úılerden qundyz ton, telefondar, tehnıkalyq zattar, altyn buıymdar qoldy bolǵan. Úı ıelerіnіń joqtyǵyn paıdalanyp, ury esіkterіnіń qulpyn kіlt іrіkteý arqyly kіrіp, aram oılaryn júzege asyryp otyrǵan.
Sonymen qatar kúdіktі urlyǵyn qoımaı, 57 jastaǵy azamatshany Toyota Carina avtokólіgіn jalǵa alatynyn aıtyp, alaıaqtyq jolmen aldap, kerі qaıtarmaǵan. Qazіrgі tańda jalpy jábіrlenýshіlerge keltіrіlgen materıaldyq jáne múlіktіk shyǵyn 2,2 mln teńgege jýyq.
"Tárkіlengen zattar óz ıelerіne qaıtaryldy. Atalǵan derek boıynsha QR QK-nіń 188-babynyń 3-bólіgі 3-tarmaǵymen jáne 190-babynyń 1-bólіgіmen (Alaıaqtyq) sotqa deıіngі tergep-tekserý áreketterі júrgіzіlіp jatyr", - dedі delіngen habarlamada.