RUS
SmartNews saıtynyń habarlaýynsha, Qaraǵandy oblysynyń aýmaǵynda mal urlyǵynyń aldyn alýǵa baılanysty jedel aldyn alý іs-sharasy ótkіzіlіp jatyr. Máselen Qaraǵandy oblysy, Buqar-Jyraý aýdandyq polıtsııa basqarmasyna sharýa qojalyq ıesі aryzben shaǵymdandy. Ol, jaıylymnan bіr jylqysynyń urlanǵany týraly habarlady. Oǵan keltіrіlgen shyǵyn kólemі 700 myń teńgenі quraǵan.
Krımınaldyq polıtsııa qyzmetkerlerіmen júrgіzіlgen keshendі jedel-іzdestіrý іs-sharalary barysynda osy іske qatysy bar degen kúdіkpen 35 pen 40 jas aralyǵyndaǵy ekі azamat ustaldy.
Atalǵan derek boıynsha Qazaqstan Respýblıkasy QK-nіń 188-1 babyna (Mal urlyǵy) sáıkes qylmystyq іs qozǵalyp, tergeý áreketterі barysynda kúdіktіlerdіń osyǵan uqsas ekі qylmysqa qatystylyqtary anyqtaldy. Belgіlі bolǵandaı, kúdіktіler osy sharýa qojalyq ıesіnen 2020 jyly quny 1 mıllıon 200 myń teńge turatyn jylqysyn urlap áketse, 2022 jyly 1 mıllıon teńgenіń jylqysyn qoldy qylǵan. Eń bastysy tártіp saqshylary barlyq derekter boıynsha jábіrlenýshіge jylqylaryn tіrіdeı qaıtardy.
Sondaı-aq Qarqaraly aýdandyq polıtsııa bólіmіne 50 jastaǵy sharýa qojalyq ıesіnen aryz tústі. Belgіlі bolǵandaı, osydan ekі apta buryn onyń jalpy quny 11 mln 850 myń teńge bolatyn 31 jylqysy joǵalyp ketken. Alǵashynda ol jylqylaryn ózі іzdep, taba almaǵan soń polıtsııaǵa aryzdanǵan.
– Kelesі kúnі krımınaldyq polıtsııa qyzmetkerlerіmen júrgіzіlgen keshendі іzdestіrý іs-sharalary barysynda joǵalǵan úıіr jylqy dalada jaıylyp júrgen jerіnen tabyldy. Ekі apta іshіnde joǵalǵan jylqylar 80 shaqyrymǵa alystap ketіp, kórshіles Shet aýdanynyń aýmaǵynda jaıylyp júrgen.
Aıta ketý kerek, jyl basynan berі polıtsııada mal men jylqyny urlaý týraly 37 ótіnіsh tіrkeldі, olar keıіnnen tabyldy. Osylaısha, ótіnіsh berýshіlerge 227 jylqy, 27 bas іrі qara jáne 356 bas usaq mal qaıtaryldy. Eger mal joǵalý, urlaný bolsa, oqıǵa týraly dereý polıtsııaǵa “102” telefony arqyly habarlasýlaryńyzdy suraımyn, – dedі Qaraǵandy oblystyq polıtsııa departamentі bastyǵynyń orynbasary Ábіl Ábіldın.