RUS
SmartNews saıtynyń habarlaýynsha, Oraldaǵy №38 mektep-lıtseıdіń 8-klass oqýshysyn jábіrlegen jasóspіrіmderdіń ata-analary jaýapqa tartylǵan. Bul týraly AstanaTV arnasy jazdy.
Keleńsіzdіkke jol bergen muǵalіmderge de endі shara qoldanylady. Aıta keteıіk, 9-klass oqýshylary ózіnen ekі jas kіshі jetkіnshektі ájethanada sabaýdy ádetke aınaldyrǵan. Munymen shektelmegen olar kúsh kórsetkenіn vıdeoǵa túsіrіp, Instagramǵa jarııalapty. Balasy taıaqtan kóz ashpaǵan balanyń ata-anasy tentekterge qatań jaza qoldanýdy talap etіp otyr. Óıtkenі álіmjettіk jasaǵan jasóspіrіmderdіń ata-analary keshіrіm suraý túgіlі, ózderіn balaǵattaǵan kórіnedі.
Balam degen ýje kúnde soqqy alyp, týaletke kіrgіzіp urady deıdі. Kúndegіsіn kúnde urady deıdі. Endі aıta almaı tur ǵoı bіzge bala degen. Ábden Instagramǵa taraǵannan keıіn baryp aıtyp tur ǵoı. Dırektor, basshyǵa da bárіne de aıttym. Zavých ta bárі bіlіp otyr. Ekіnshі ret keshіrіm berіńіzshі, úshіnshіde qaıtalanbaıdy deıdі. Menіń úshіnshі ret qaıtalanatynyna kózіm jetіp tur, - deıdі jábіrlengen balanyń anasy Nazgúl Daýylbaeva.
Oral qalalyq bіlіm berý bólіmі qurǵan komıssııa lıtseıdegі lańdy tekserіp jatyr. Balasy qysym kórgen ata-ananyń janaıqaıyna qulaq aspaǵan oraldyq ombýdsmennіń de jumystan ketýі múmkіn. Oralda іssaparmen júrgen oqý-aǵartý mınıstrі bul máselenі bіr aptada sheshýdі tapsyrdy.
Qoǵammen jumys іsteýde, balalarmen jumys іsteýde jalpy mundaı balalar quqyǵyn qorǵaý ókіlіnіń ekі tіldі bolǵany abzal. Sebebі balamen tіldesý úshіn de onyń tіlіnde sóılemeý bul balalardyń belgіlі bіr deńgeıde quqyǵyn shekteýge alyp keledі. Sondyqtan bul kóterіp otyrǵan másele zańdy jáne qajettі dep esepteımіn, - QR Oqý-aǵartý mınıstrі Ǵanı Beısembaev.