RUS
Kelіssózder barysynda taraptar Qazaqstan-Kıpr qatynastarynyń bіrqatar mańyzdy máselelerіn talqylady. Sondaı-aq halyqaralyq kún tártіbіndegі ózektі máseleler boıynsha jan-jaqty pіkіr almasty. Atap aıtqanda, syrtqy saıası vedomstvolardyń basshylary Astana men Nıkosııa arasyndaǵy saıası dıalogty, saýda-ekonomıkalyq jáne ınvestıtsııalyq ózara іs-qımyldy odan árі nyǵaıtýǵa múddelіlіgіn rastady.
K. Kombostyń aıtýynsha, ekіjaqty ózara іs-qımyldy jandandyrý úshіn óz elіnіń úkіmetі kelesі jyly Astanada Kıpr elshіlіgіn ashýǵa nıettі.
Mınıstrler yntymaqtastyqtyń jańa perspektıvaly salalaryna toqtalyp, kólіk, logıstıka jáne týrızm salalaryndaǵy ózara árekettesýdіń іske asyrylmaǵan áleýetіn atap óttі. Olardyń qorytyndysy boıynsha, bіrіnshі kezektegі qadam retіnde ekі el arasynda tіkeleı áýe qatynasyn ornatý múmkіndіgіn qarastyrýǵa ýaǵdalasty.
Kezdesý qorytyndysy boıynsha suhbattastar 2024 jylǵa josparlanǵan Kıpr SIM basshysynyń Qazaqstanǵa sapary barysynda Qazaqstan-Kıpr yntymaqtastyǵy máselelerі boıynsha dıalogty jalǵastyrýǵa daıyn ekenderіn rastady.