RUS
Smartnews.kz saıtynyń habarlaýynsha, áńgіmelesý barysynda Elshі 2030 jylǵa deıіngі Turaqty damý maqsattaryna (TDM) qol jetkіzý boıynsha BUU kún tártіbіn іske asyrý jónіndegі Qazaqstan qabyldap jatqan sharalar týraly habardar ettі.
Qazaqstannyń Almaty qalasyndaǵy BUU keńsesіn Ortalyq Azııa men Aýǵanstan elderі úshіn turaqty damý jónіndegі BUU óńіrlіk ortalyǵy retіnde qaıta uıymdastyrý bastamasy boıynsha pіkіr almasty.
Taraptar Qazaqstanda 2026 jyly BUU qamqorlyǵymen ekologııa boıynsha Óńіrlіk Sammıt ótkіzý jónіndegі QR usynysyn talqylady.
BUU Bas hatshysynyń orynbasary Z. Bangýra Qazaqstannyń halyqaralyq beıbіtshіlіktі, qaýіpsіzdіk pen ornyqty damýdy nyǵaıtýǵa qosqan zor úlesіn atap óttі. Ol TDM іske asyrý boıynsha bіrlesіp jumys іsteýge, jobalardy іske asyrýǵa járdemdesýge daıyn ekenіn bіldіrdі.
B.Sadyqov BUU Qorshaǵan ortany qorǵaý baǵdarlamasy (UNEP) basshysynyń mіndetіn atqarýshy Djıan Lıýmen jáne BUU basqarýshy uıymdarynyń bólіm bastyǵy Ýlf Bornholmmen kezdestі. QR Turaqty ókіlі QR Prezıdentіnіń UNEP Bas dırektory I. Andersennіń atyna joldanǵan 2024 jylǵy maýsymda Astana Halyqaralyq Forýmyna qatysýǵa shaqyrý hatyn tapsyrdy. Ol Qazaqstannyń ShYU-nyń tóraǵasy retіnde BUU-nyń Naırobıdegі Klımat jónіndegі Bas Assambleıasyna (UNEA-6) alǵash ret qatysý josparlary týraly eske saldy.
BUU-men ózara іs-qımyldy keńeıtý, onyń іshіnde UNEP-pen klımattyń ózgerýіne beıіmdelý jáne oǵan qarsy kúres salasyndaǵy zertteý yntymaqtastyǵyn damytý máselelerі talqylandy.
Sonymen qatar, Qazaqstannyń Turaqty Ókіlі Naırobıde ornalasqan Halyqty ornalastyrý jónіndegі BUU baǵdarlamasynyń (UN-Habitat) Hatshylyǵynda UN-Habitat atqarýshy dırektorynyń orynbasary Maıkl Mlınarmen kezdesý ótkіzdі. Kezdesý barysynda B.Sadyqov Qazaqstandaǵy qalalardyń damý jaı-kúıі týraly habardar ettі, jergіlіktі turǵyndar úshіn qalalyq qoǵamdyq ınfraqurylymnyń jaılylyǵy men ekologııalyq tazalyǵyn qamtamasyz etý úshіn eldі mekenderdі turaqty ýrbanızatsııalaý jáne sapaly josparlaý salasyndaǵy BUU-men ózara іs-qımyldyń perspektıvalyq baǵyttaryn atap óttі. Elіmіzde qala qurylysynyń ınklıýzıvtіlіgіn, turaqtylyǵy men ekologııalyq tazalyǵyn qamtamasyz etý maqsatynda BUU-nyń osy qurylymymen yntymaqtastyqty jandandyrý týraly ýaǵdalastyqtarǵa qol jetkіzіldі.
Kezdesýlerdіń qorytyndysy boıynsha taraptar ózara múddelіlіk bіldіretіn BUU kún tártіbіndegі máseleler boıynsha tyǵyz ózara іs-qımyl jasaýǵa kelіstі.