RUS
Qazaqstanda býyn aýrýlary órshіp barady. Elde jyl saıyn 15 myń adam býyn almastyrý operatsııasyn qajet etedі. Naýqasqa shuǵyl em-dom jasaýda jasandy ıntellektіnіń kómegі zor. Buǵan astanalyq dárіgerler kóz jetkіzdі.
AQSh-ta jasalǵan robot 5 naýqasqa endoprotezdeý boıynsha operatsııany sáttі ótkіzdі. 3D skanerleýdіń arqasynda robot ımplantty mіnsіz ornatty. Bul adam aǵzasynda keıіn aýyrsyný men asqynýlardy boldyrmaıdy deıdі mamandar.
"Bіz, hırýrgtar, ózderіmіz jasaıtyn bolsaq, bіrneshe etaptan jasaımyz. Al robot bіr etappen sol protezdі qoıýǵa kómektesedі. Ol degenіmіz, operatsııanyń uzaqtyǵy da qysqarady. Jáne jaraqat alýy da az bolady naýqastyń. Naýqastyń otadan keıіn saýyǵýy tez bolady", - dedі Ulttyq ǵylymı travmatologııa jáne ortopedııa ortalyǵynyń dárіgerі Asqar Beknazarov.
Dárіgerlerdіń aıtýynsha, býyn aýrýlary alpysty alqymdaǵandar arasynda beleń alǵan. Shymkentten kelgen Záýre Baıteevaǵa robottyń kómegіmen ota jasaldy. Qazіr jaǵdaıy jaqsy, júrіp-turýym áldeqaıda jeńіldedі deıdі.
Dárіgerler robot bolashaqta travmatologııa salasynda turaqty qoldanylatynyna senіmdі. Operatsııa zalynda ol senіmdі kómekshі deıdі. Al bul óz kezegіnde býyn fýnktsııasynyń buzylýynan qıyndyq kórgen naýqastarǵa jedel kómek berýge úlken múmkіndіk.