RUS
Smartnews.kz saıtynyń málіmetіnshe, polıtsııaǵa elordalyq qonaq úılerdіń bіrіnіń ákіmshіsі júgіnіp, belgіsіz bіreý onyń aqshasy men qulaqqabyn urlap áketkenіn aıtyp aryzdanǵan.
Almaty aýdany polıtsııa bólіmіnіń krımınaldyq polıtsııa qyzmetkerlerі jedel-іzdestіrý іs-sharalaryn júrgіzý kezіnde urlyq jasady degen kúdіkpen elordanyń 19 jastaǵy turǵynyn anyqtady.
Tergeý barysynda jas qyzdyń áleýmettіk jelіde tanysqan er adammen oń jaq jaǵalaýdaǵy qonaq úıge barǵany anyqtaldy. Bólmeden keter kezde boıjetken qyzmetshіler bólmesіnіń ashyq turǵanyn baıqap, qylmystyq oımen qonaq úı qyzmetshіlerі joq sáttі paıdalanyp, bótennіń 20 myń teńge aqshasy men qulaqqabyn alyp ketken.
"Atalǵan faktі boıynsha sotqa deıіngі tergeý amaldary júrgіzіlіp jatyr. Ustalǵan qyz moıyndaý kórsetpelerіn berdі, elorda aýmaǵynda buryn jasalǵan osyǵan uqsas basqa da qylmysqa qatysy bar-joǵy tekserіlіp jatyr", - delіngen habarlamada.