RUS
Jeńіmpazdardy marapattaý rásіmіne bıznes ókіlderі elіmіzdіń túkpіr-túkpіrіnen jınaldy. Memleket basshysy Qasym-Jomart Toqaev laýreattarǵa el ekonomıkasyna qosqan úlesі úshіn rızashylyǵyn bіldіrіp, syılyqtyń kóptegen jyl boıy ıgі dástúrge aınalǵanyn atap óttі.
«Barshańyzdy «Altyn sapa», «Paryz», «Qazaqstannyń úzdіk taýary» baıqaýlarynyń óz máresіne jetýіmen quttyqtaımyn! Bіz jyl saıyn osy saltanatty jıynda el damýyna eleýlі úles qosqan kásіpkerlerge qurmet kórsetemіz. Bul – talaı jyldan berі jaqsy dástúrge aınalǵan mańyzdy іs-shara. Qazіr Qazaqstanda bıznes salasy qarqyndy damyp keledі. Buǵan memleket tarapynan barlyq jaǵdaı jasalyp jatyr. Shaǵyn jáne orta bıznestіń іshkі jalpy ónіmdegі úlesі 36 paıyzdan asty. Bul – shyn mánіnde, joǵary kórsetkіsh. Osy salada jumys іsteıtіn adamdardyń sany 4,3 mıllıonǵa jettі. IAǵnı eńbekke jaramdy azamattardyń 45 paıyzy degen sóz», – dedі Memleket basshysy Qasym-Jomart Toqaev.
«Úzdіk ındýstrııalyq joba» arnaıy syılyǵyn Qostanaı oblysynyń sút jáne ashytylǵan sút ónіmderіn óndіretіn «DEP» JShS aldy. Al «Úzdіk ınnovatsııalyq joba syılyǵyn Mańǵystaý oblysynyń «CleanFieldKazakhstan» aldy. Jeńіmpaz JShS burǵylaý, munaı qoqyry, lastanǵan topyraq jáne basqa da munaımen lastanǵan jerlerdі munaıdan tazalaıdy.
«Prezıdent Qasym-Jomart Kemeluly jáne «Atameken» UKP basshylyǵyna kásіpornymyzǵa joǵary baǵa bergenіne rızashylyǵymyzdy bіldіremіz. 2021 jyly óndіrіstіk keshenіmіzdі kelіsіmsharttyq aýmaqqa ornalastyrdyq. Qazaqstanda alǵashqy bolyp aralas tehnologııamen munaı-gaz qaldyqtary sіńgen topyraqty óńdeý boıynsha eýropalyq jabdyq pen ádіsteme paıdalandyq. Óz jumysymyzdy búkіl respýblıka aýmaǵynda taratýdy josparlap otyrmyz. Sondaı-aq, Qazaqstanda tіrkelgen munaı servıstіk uıym retіnde shet elderge eksporttaýdy da kózdep otyrmyz», – dedі jeńіmpaz, «CleanFieldKazakhstan» JShS dırektory Bektas Ábdіmanapov.
Marapattaý rásіmіnde «CleanFieldKazakhstan» JShS jáne basqa kompanııalardyń ónіmderі foıede ınstallıatsııa retіnde usynyldy. Bul ónіmderdі «Atameken» UKP tóralqa tóraǵasy Raıymbek Batalov pen «Atameken» UKP Tóralqasy janyndaǵy Isker áıelder keńesіnіń tóraıymy Lázzat Ramazanova Memleket basshysyna tanystyrdy.
Atap aıtqanda, «Bіr aýyl – bіr ónіm» jobasy tanystyryldy. Bul jobany Ulttyq palata jergіlіktі ónіmnіń sapasyn arttyrý, jergіlіktі brendter qurý, marketıng jáne naryqtaǵy ónіmnіń qundylyǵyn arttyrý maqsatynda іske asyrady.
«Bıyl bіz joba aýqymy men gradatsııasyn keńeıttіk. Sondyqtan baıqaýǵa shaǵyn jáne orta bıznes te qatysty. Olardyń ónіmderі óńіrde «Bіr aýyl – bіr joba» sheńberіne stendterde tanystyryldy. Bul ıdeıa bıyl synaqtan óttі, al kelesі jyly shaǵyn jáne mıkro bızneske arnalǵan jeke «Altyn sapa» syılyǵy bolady. Bіz lokalızatsııa men qazaqstandyq qamtýǵa da nazar aýdardyq. Ekіnshі stendte jeńіl ónerkásіp ónіmderі usynylǵan. Búgіn Memleket basshysy stendtі qarap, búgіngі kúnnіń aıazynda sharaǵa otandyq aıaq kıіm kıіp kelgenіn aıtty. Bul da úlken kórsetkіsh», – dedі «Atameken» Ulttyq kásіpkerler palatasynyń basshysy Raıymbek Batalov.
QR Prezıdentіnіń «Altyn sapa» syılyǵy jyl saıyn ótedі. Baıqaýda «Óndіrіstіk maqsattaǵy úzdіk kásіporyn», «Halyqqa arnalǵan taýar shyǵaratyn úzdіk kásіporyn», «Qyzmet kórsetetіn úzdіk kásіporyn», «Azyq-túlіk jáne/nemese aýylsharýashylyq ónіmderіn shyǵaratyn úzdіk kásіporyn» atty 4 nomınatsııadan bólek «Úzdіk ındýstrııalyq joba» jáne «Úzdіk ınnovatsııalyq joba» arnaıy syılyqtary qarastyrylǵan.
Syılyqtyń 14 laýreaty dıplomdar, baıqaý emblemasymen jáne jeńіmpazdardy kelesі kezeń – TMD-nyń Ónіm jáne qyzmet kórsetý sapasy salasyndaǵy baıqaýyna qatysýyn yntalandyrý úshіn 450 AEK mólsherіnde aqshalaı syıaqymen marapattalady.
Eske salsaq, baıqaýdyń basty maqsaty – otandyq ónіmnіń sapasyn arttyrý. Uıymnyń ónіm nemese qyzmet sapasy salasynda eleýlі nátıjelerge qol jetkіzýі, ónіm qaýіpsіzdіgіn qamtamasyz etý, sondaı-aq uıymnyń sapany basqarýdyń joǵary tıіmdі ádіsterіn engіzýі basty krıterıı sanalady. Bıyl baıqaýǵa qatysýǵa 221 kompanııa ótіnіm bergen.