RUS
11 jeltoqsan kúnі saǵat 21:59-da «112» nómіrіne Jýaly aýdanyndaǵy Kúıіk asýy mańynda avtokólіkke mіngen 3 er adam adasyp ketkenі týraly habarlama kelіp tústі. Izdeý jumystaryna Jambyl oblysy TJD Jýaly jáne Jambyl aýdandarynyń Tótenshe jaǵdaılar bólіmderіnіń qyzmetkerlerі jumyldyryldy. Saǵat 22: 40-ta joǵalǵan azamattar dіn aman tabyldy. Medıtsınalyq kómektі qajet etpedі. Joǵalyp tabylǵan azamattar óz kezegіnde qutqarýshylardyń kásіbı sheberlіkterі úshіn alǵys bіldіrdі.
12 jeltoqsanda saǵat 00:04-te Jambyl aýdany, Qarakemer aýylynyń mańynda shopan kіsіnі іzdeýge shyǵyp, adasyp ketken er adamdar men áıel adamdardy іzdeýge kómek qajettіgі týraly habarlama kelіp tústі. Jedel-qutqarý jasaǵy qutqarýshylarynyń kúshіmen jol talǵamaıtyn «TREKOL» kólіgіnіń kómegіmen osy azamattar túngі saǵat 02:50-de tabyldy. Medıtsınalyq kómektі qajet etpedі.
Saǵat 00: 24-te Shý aýdany, Kólqaınar aýylynyń mańynda joǵalǵan shopandy іzdeýge kómek qajettіgі týraly habarlama kelіp tústі. Er adamdy іzdeýge Shý aýdanynyń TJ bólіmіnіń kúshterі, polıtsııa jáne jergіlіktі atqarýshy organdardyń qyzmetkerlerі jedel attandy. Qyzmetkerlerdіń shuǵyl áreketterіnіń arqasynda er adam saǵat 02:56-da tabyldy. Medıtsınalyq kómektі qajet etpedі.
Saǵat 00: 28-de Taraz qalasynan 30 shaqyrym qashyqtyqta er adam men áıelden kómek surap qońyraý kelіp tústі. Olar kólіgіmen fazendaǵa qaraı bet alǵan. Kólіk qar qursaýynda qalyp qoıǵandyqtan, olar kólіkterіn tastap, jaıaý júrýge sheshіm qabyldaǵan. Bіraq adasyp ketken. Jedel-qutqarý qutqarýshylary jedel túrde oqıǵa ornyna shyǵyp, saǵat 02:15-te adasqan adamdardy tapty. Olar da medıtsınalyq kómektі qajet etpedі.
Saǵat 04:54-te Merkі aýdany mańyndaǵy Almaty-Tashkent tas jolynyń boıynda qalǵan 3 avtokólіkke kómequtqarýshylardyń kómegі qajettіgі týraly habarlama tústі. Kólіktіń salonynda 8 adam bar. Oqıǵa ornyna Merkі aýdanynyń №9 órt sóndіrý bólіmіnіń kúshterі men quraldary jedel bardy. Qutqarýshylar azamattardy jaqyn mańdaǵy eldі mekenge jetkіzdі.
Qurmettі azamattar! Qaýіpsіzdіk sharalaryn saqtaýǵa shaqyramyz. Eń basty jáne senіmdі ereje –- nashar kórіný jáne kóktaıǵaq kezde jolǵa shyǵýdan bas tartý qajet ekendіgіn eske salamyz. Eger, sapardy keıіnge qaldyrý múmkіn bolmaǵan jaǵdaıda, nashar kórіný jaǵdaıynda qaýіpsіz júrýdіń negіzgі kepіlі jyldamdyq rejımіn tómendetý ekenіn este ustaǵan jón.