RUS
Smartnews.kz saıtynyń habarlaýynsha, 11 jeltoqsan kúnі Qyzylorda oblysynda aýa raıy kúrt ózgerіp, -25 gradýsqa deıіn sýytty.
Sol kúnі kúndіzgі saǵat 10:00 shamasynda 46 jastaǵy azamat 16 jastaǵy ulymen bіrge Jalaǵash aýdanynyń Jańadarııa aýylynan 20 shaqyrym qashyqtyqta ornalasqan Aqshoqy ýchaskesіnde ornalasqan fazendadan ekі jaqqa bólіnіp, mal іzdeýge shyqqan. Alaıda saǵat 14:00 shamasynda oralǵan ákesі balasynyń fazendaǵa álі kelmegendіgіn bіlіp, avtokólіkpen іzdeýge qaıta shyǵyp ketken.
Ulyn taba almaǵan azamat polıtsııa qyzmetіne júgіndі. Osy derekke baılanysty joǵalǵan jasóspіrіmdі іzdestіrýge Qyzylorda oblysy polıtsııa departamentіnіń Jalaǵash aýdandyq polıtsııa bólіmіnіń jeke quramy dereý jumyldyryldy.
Polıtseıler, Tótenshe jaǵdaı departamentіnіń qyzmetkerlerі, aýyl turǵyndary men erіktіlerden arnaıy top qurylyp, joǵalǵan jasóspіrіmdі іzdestіrý jumystary júrgіzіldі. Aýdannyń barlyq aýyly, dalalyq joldar túgel qamtyldy. Izdestіrý sharalarynyń nátıjesіnde joǵalǵan bala túngі saǵat 02:00-de dіn aman tabyldy. Ol Jalaǵash aýdany, Jańadarııa aýylyna qarasty dalalyq jerden soltústіkke qaraı 20 shaqyrym jerden tabyldy.
– Izdestіrý jumystary sáttі aıaqtaldy. Uly qatty jeldіń áserіnen jolynan adasqan. Úzdіksіz júrgіzіlgen іzdestіrý jumystarynyń nátıjesіnde ol aman-esen tabyldy. Aımaq turǵyndarynan daýyldy eskertý jarııalanǵan ýaqytta alys saparǵa shyqpaýlaryn suraımyz. Sharýa qojalyqtarynyń jumysshylary qystaýlar men jaıylymdardan alys ketpeýge tyrysý qajet, – deıdі departament bastyǵy Mahsýdhan Ablazımov.