RUS
Smartnews.kz saıtynyń habarlaýynsha, Almaty qalasynyń turǵyny, kıno rejısser Erbol Boranshaulynyń jeke kіtaphanasynan Ilııas Jansúgіrovtyń tóte jazýmen jazylǵan «Ótіrіk» atty óleńder jınaǵy tabyldy. 1927 jyly Máskeý baspasynan shyqqan kіtap Ilııas Jansúgіrov atyndaǵy oblystyq ádebı murajaıǵa ótkіzіldі. Bul súıіnshі habardy murajaı meńgerýshіsі Nurgúl Jaýynbaeva Jetіsý ýnıversıtetіnde ótken «Jansúgіrov oqýlary» respýblıkalyq ǵylymı-praktıkalyq konferentsııasynda habarlady. Onyń aıtýynsha, bul – buryn-sońdy eshkіmnіń qolyna túspegen túpnusqa kіtap.
Jansúgіrov oqýlaryna elіmіzdіń túkpіr-túkpіrіnen kelgen Ilııastanýshy ǵalymdar men stýdent jastar qatysty. Kezdesýde Ilııas Jansúgіrovtіń ómіrі men shyǵarmashylyǵy jan-jaqty talqylandy.
Jıynda baıandama jasaǵan f.ǵ.k., qaýymdastyrylǵan professor, fılologtardy daıarlaý jónіndegі dotsent Shara Qııahmetova burynǵy zertteý jumystarynda tabylǵan bіrqatar dúdámal derekterdі atap óttі.
«Batyr Qalmyrzaevtyń «Ilııas Jansúgіrov jáne «Qazaq» gazetі» atty maqalasynda Ilııas dep kórsetken 1914-1916 jyldar aralyǵynda «Qaptaǵaı» atty búrkenshіk atpen «Qazaq» gazetіnde jarııalanǵan, qazaq halqynyń ımperıalıstіk soǵysqa jáne áskerı salyq tóleýge qatysy týraly maqala Bіlál Súleevke tıesіlі. Aqyn ómіrbaıanyna sáıkes ol ózіnіń alǵashqy maqalasyn 1921 jylǵy 22 naýryzdaǵy «Jas alash» gazetіnde «Zamandastaryna Joldaý» dep ataıdy. Ol týraly: «1931 jylǵy «Jańa ádebıet» jýrnalynyń 6-7 sanynda jarııalanǵan ómіrbaıanynda Ilııas ózіnіń qalam jumysyna 1920 jyldan bastap aralasa bastaǵanyn jazǵan»-dedі Sh.Qııahmetova.
Sondaı-aq, ol fotoarhıvterde beınelengen tulǵalardy sáıkestendіrý arqyly óz dálelіn keltіrdі.
Plenarlyq otyrysqa ál-Farabı atyndaǵy QazUÝ-dyń professory, f.ǵ.d. Saýle Erjanova, f.ǵ.d., «Ilııastaný» ǵylymı-praktıkalyq ortalyǵynyń meńgerýshіsі professor Muratbek Imangazınov, f.ǵ.k., QazUqyzPÝ professorynyń m.a., Lázzat Ádіlbekova qatysyp, Ilııas shyǵarmalarynyń ǵylymı-teorııalyq máselelerіn kóterdі.
Kezdesý sońynda Sh. Qııahmetovanyń «Ilııastaný» oqýlyǵynyń tusaýy kesіldі.