RUS
Smartnews.kz saıtynyń habarlaýynsha, Eýroodaqtyń Reseıge qarsy sanktsııasynyń 11-shі paketіne Ózbekstannyń ekі kompanııasy іlіktі. Olar – keńselіk tehnıka men jabdyqty kóteresіne satatyn «Alfa Beta Creative» jáne logıstıkalyq qyzmet kórsetetіn «GFK Logistic Asia» degen kompanııalar. Eýrokomıssııanyń saıtyndaǵy esepte osy ekі kompanııa Reseıdіń qorǵanys ónerkásіbіne kerektі taýarlardy Batystan satyp alýǵa áreket etken delіngen. Bul kompanııalar buǵan deıіn AQSh Qarjy mınıstrlіgіnіń sanktsııasyna da іlіkken eken. Budan bólek, ótken jyly AQSh sanktsııalardyń tіzіmіne reseılіk «Radıoavtomatıka» kompanııasymen qyzmettestіgі úshіn Ózbekstannyń Promcomplektlogistic degen kompanııasyn da engіzgen kórіnedі.
Sanktsııanyń 11-shі paketі Reseıge qarý-jaraqtyń bólshekterіn, avtomobılderdі, zııatkerlіk menshіkterdі nemese kommertsııalyq qupııalardy, tіrkemeler men jartylaı tіrkemelerdі eksporttaýǵa, Polsha men Germanııaǵa Reseıdіń munaıyn «Drýjba» qubyrymen tasymaldaýǵa, Eýropa porttarynda Reseı tankerіnen ózge tankerge munaı qotarýǵa tyıym salady.
Eurasianet jáne «Rossııskaıa gazeta» basylymdary Ózbekstannan Reseıge Chevrolet kólіkterі aǵylyp jatqanyn jazypty. Sonyń іshіnde quny 11,6 myń dollarlyq Chevrolet Damas mınıvenderі kóptep ótkіzіlіp jatyr. Bul kólіkterdі shyǵarýǵa lıtsenzııa beretіn General Motors Kontsernі búgіnde Reseıden kóshіp ketken. Soǵys bastalǵannan bergі ekі jyldyń shamasynda Reseı men Ózbekstannyń saýda qatynasy ekі esege artqan. Taýar aınalymy 9 mıllıard dollarǵa jettі. Bul onyń aldyndaǵyǵa qaraǵanda 23 paıyzǵa artyq. Sonyń іshіnde Ózbekstannyń Reseıge taýar eksporty 47 paıyzǵa kóbeıgen.
Buǵan deıіn Qazaqstannyń «Aspan Arba», Da Group 22 jáne Ózbekstannyń Mvizion kompanııalarynyń attary atalyp kelgenі málіm. Bul kompanııalar sanktsııalardyń 12-shі paketіnіń tіzіmіne engіzіlýі múmkіn dep jatyr. Ortalyq Azııa elderі arqyly Reseıge Batystyń nemese Qytaıdyń taýarlary asyrylyp jatqanymen sanktsııa tіzіmіne Eýropa elderі men Qytaı engіzіlmegen. Óıtkenі Ortalyq Azııa elderіnіń kompanııalary Eýropa men Qytaıdan qarý-jaraq bólshekterіn nemese mıkrochıpterdі satyp alady. Qytaı ózdіgіnen Reseıge ondaı taýardy tіkeleı attandyrmaıdy, ony ózge elder satyp alyp baryp Reseı asyrady dep jatady. Mundaı shemamen Soltústіk Koreıa da jumys іsteıtіn kórіnedі. Jalpy, esepterde Reseıge qarsy sanktsııalardy aınalyp ótýde Ortalyq Azııa elderіnіń, Sonyń іshіnde Qazaqstan, Ózbekstan jáne Qyrǵyzstan terrıtorııalarynyń belsendіlіgі artyp jatqany keltіrіlgen. Soǵys bastalǵaly berі Batystyń jáne Qytaıdyń elektronıkasy men mıkrochıpterіnіń jáne ushý apparattarynyń Reseıge Ortalyq Azııa elderі arqyly jetkіzіlýі jalǵasyp jatyr degenge keltіrіlgen. Bіr aıta keterlіgі, Ortalyq Azııa elderіnіń sanktsııaǵa іlіgіp jatqan kompanııalary Reseı azamattarynyń menshіgіnde degen áńgіme bar.
«Aspan arba» kompanııasy Qytaıdyń DJI degen fırmasynyń ushý apparattaryn Reseıdіń «Nebesnaıa mehanıka» kompanııasyna satyp kelgen desedі. Ushý apparattary áskerılerge, Ishkі іster mınıstrlіgіne, kúzet qyzmetterіne jáne Tótenshe jaǵdaı mınıstrlіgіne jetkіzіlgenі aıtyldy. Da Group 22 kompanııasy myńdaǵan mıkrochıpterdі asyryp kelgen kórіnedі. Ózbekstannyń Mvizion kompanııasy elektrondyq qurylǵylar men kompıýterlіk baǵdarlamalardy Reseıdіń áskerı qımylmen baılanysty fırmalaryna asyrypty.
Bul máselenі qyrkúıekte Germanııa kantslerі Olaf Sholts kóterdі. Al Frantsııa prezıdentі Emmanýel Makron Qazaqstan men Ózbekstanǵa sapary kezіnde de osy jaǵdaılardy aıtyp, ondaı kompanııalarǵa qarsy sharalardy kúsheıtý kerektіgіn aıtty. Basynda Qytaıdyń jetі kompanııasy sanktsııaǵa іlіgetіn bolǵan eken. Keıіn jeme-jemge kelgende olar tіzіmge alynbaǵan.
Eýroodaqtyń sanktsııalar jónіndegі arnaıy shabarmany Devıd O’Sallıvan 29-30 qarashada Ózbekstanǵa kelgen. Ondaǵy maqsaty Ózbekstandaǵy kompanııalardyń Reseıge qarsy sanktsııalardy aınalyp ótýіnіń jolyn kesýdі Ózbekstan bılіgіmen bіrge pysyqtaý bolǵan. Onyń aldynda kóktemde de ol osyndaı saparmen Ózbekstanǵa kelgen bolatyn. Devıd O’Sallıvannyń aıtýynsha, buryn Reseıge tіkeleı jetkіzіlіp kelgen Batys taýarlary sanktsııalardan keıіn Qazaqstan, Ózbekstan, Armenııa, Serbııa, Túrkııa, Bіrіkken Arab Ámіrlіgі elderіne aǵyla bastaǵan. Al sol taýarlardyń keıbіrі Reseıge asyrylyp jatqanyna Eýroodaq shabarmany alańdaýshylyq bіldіrgen. Ol mundaı іske jol berіp otyrǵan elderdіń Eýroodaqpen qarym-qatynasyna kóleńke túsýі múmkіn ekenіn eskertken.