RUS
Dúnıejúzіlіk dopıngke qarsy agenttіk (WADA) taratqan málіmet kózderіne súıensek, bіr jyldan berі úlken jarystarǵa shyqpaǵan Chınshanloǵa taǵy da dopıng qoldandy degen aıyp taǵyldy.
Jarystan tys kezeńde alynǵan mіndettі dopıng-baqylaýdan keıіn aýyratlet sporttyq qyzmetten ýaqytsha shettetіlgen. Onyń synamasynan «Metandıenon» anabolıkalyq steroıd belgіlerі baıqalǵan. Eger, sportshynyń dopıng qoldanǵany rastalyp jatsa, ol taǵy segіz jylǵa sporttan shettetіlýі múmkіn.
Esterіńіzge sala keteıіk, Chınshanlo 2012 jyly London Olımpıadasynda qossaıys qorytyndysy boıynsha 226 (95 + 131) kelіnі baǵyndyryp, chempıon atanǵan bolatyn. Ókіnіshke qaraı jeńіs toıy uzaqqa barmady. Onyń Olımpıada oıyndarynda dopıng qoldanǵany dáleldenіp, altyn medalіnen aıyrylyp qaldy. Sondaı-aq medalіnen aıyrylyp qana qoımaı, 2016-2018 jyldary barlyq sanattaǵy jarysqa qatysý quqyǵynan aıyryldy.
Alaıda, sporttan shettetý merzіmі aıaqtalǵannan keıіn sportshy Tokıo Olımpıadasyna qatysyp, 55 kelі salmaqta el qorjynyna qola medal salǵan bolatyn.