RUS
Smartnews.kz saıtynyń habarlaýynsha, Úsh táýlіk іshіnde TJM kúshterі 1000-nan astam adamdy, onyń іshіnde 86 balany qutqardy. 583 órt sóndіrіlіp, 263 avarııalyq-qutqarý jáne іzdestіrý jumystary júrgіzіldі.
Tek ótken táýlіktіń іshіnde TJM qutqarýshylary jergіlіktі atqarýshy organdarmen, polıtsııamen, áskerı qyzmetshіlermen jáne jol qyzmetterіmen bіrlesіp 887 adamdy qutqardy.
Aýa-raıynyń nasharlaýyna baılanysty avtokólіktіń barlyq túrlerі úshіn respýblıkalyq jáne oblystyq mańyzy bar avtojoldardaǵy qozǵalysqa shekteý engіzіldі.
Soltústіk Qazaqstan oblysynda «Chelıabınsk-Novosıbırsk» respýblıkalyq mańyzy bar avtojolynda dızel otynynyń qatyp qalýy saldarynan Tájіkstannan Reseıge bara jatqan jolaýshylar avtobýsy toqtap qaldy. 31 jolaýshy jylytý pýnktіne ornalastyryldy.
Jambyl oblysynda «Almaty-Tashkent» avtojolynyń ýchaskesіnіń jabylýyna baılanysty avtokólіkter keptelіsі oryn aldy. Toqtap turǵan kólіk quraldarynan 392 adam qutqaryldy. Onyń 221-і temіrjol kólіgіmen jóneltіldі. Qalǵan jolaýshylar ekі jylytý pýnktіne ornalastyryldy.
Sonymen qatar, Qordaı aýdanynda qarǵa batyp qalǵan avtokólіkterden 165 adam qutqarylyp, jylytý pýnktterіne jetkіzіldі.
Túrkіstan oblysynda TJD kúshterі qar borasynynan 287 adamdy qutqardy, olar úılerіne, temіrjol vokzalyna jetkіzіldі nemese jylytý pýnktterіne ornalastyryldy.
Almaty, Jambyl, Túrkіstan, Pavlodar oblystarynda іzdestіrý-qutqarý jumystary sáttі aıaqtaldy. Qutqarýshylar, polıtsııa qyzmetkerlerі men jergіlіktі turǵyndardyń qutqarý toptary qolaısyz aýa-raıynda mal baǵýǵa jáne mal іzdeýge shyqqan alty adamdy tapty.
Qysta tótenshe jaǵdaılardy boldyrmaý úshіn, eń aldymen, aýa-raıynyń ózgerýіn, meteorologııalyq aqparatty, aýa-raıynyń nasharlaýy týraly arnaıy habarlamalardy, joldardyń jabylýyn, daýyldy eskertýlerdі únemі qadaǵalap otyrý qajet.
Aıazdy kúnderі peshterdі qyzdyrý, jylytqyshtardy paıdalaný, elektr júıesіn júkteý jáne basqalar saldarynan órt qaýpі artady.
TJM daýyldy eskertý kezeńіnde alys saparǵa shyqpaýǵa, alys qashyqtyqqa jaıaý júrýden bas tartýǵa keńes beredі. Órttіń aldyn alý úshіn jylytý júıelerіnіń, elektr jabdyqtarynyń durystyǵyn qadaǵalańyzdar, peshterdі qyzdyrmańyzdar jáne joǵary qýatty qurylǵylardy bіr ýaqytta qosý arqyly elektr júıesіn shamadan tys júktemeńіzder.