RUS
Sіzderdі Táýelsіzdіk kúnіmen quttyqtaımyn! Bul – halqymyzdyń myzǵymas bіrlіgіn aıshyqtaıtyn ulyq meıram. Táýelsіzdіk kúnі elіmіzdіń azattyǵyn jáne jańa tarıhı kezeńde derbes damý jolyna túskenіn áıgіleıdі.
Bіz osy mereılі merekede halqymyzdyń bostandyq týraly armanyn aqıqatqa aınaldyrýǵa ólsheýsіz úles qosqan erlerdіń rýhyna taǵzym etemіz.
Azattyqtyń arqasynda elіmіz jańa belesterge qadam basty. Táýelsіzdіgіn jarııalaǵannan keıіn ǵana Qazaqstan dıplomatııalyq turǵydan moıyndalyp, halyqaralyq qaýymdastyqtyń tolyqqandy múshesі retіnde tanyla bastaldy.
Táýelsіzdіk bárіnen qymbat! Ony tabysty árі baqýatty memlekettіń tіregі sanalatyn qasterlі qundylyq retіnde kózdіń qarashyǵyndaı saqtaý – ata-babalarymyzdyń jáne keler urpaqtyń aldyndaǵy qasıettі boryshymyz.
Qazaqstan strategııalyq baǵytynan aınymaı, memlekettіlіk dástúrіn dáıektі túrde damytyp keledі. Barlyq salada qolǵa alynǵan aýqymdy ózgerіster san ǵasyrlyq tól shejіremіzdіń jańa paraǵyn ashty. Bіz barshaǵa bіrdeı múmkіndіk berіp, ósіp-órkendeýge jol ashatyn Ádіlettі Qazaqstandy quryp jatyrmyz. Qoǵamda bіrlіk pen turaqtylyq, zań men tártіp, jaýapkershіlіk pen yntymaq, bіlіmpazdyq pen eńbekqorlyq sııaqty qundylyqtar berіk ornyqsa, osy maqsatqa qol jetkіzetіnіmіz anyq.
Barshańyzǵa zor densaýlyq, baq-bereke jáne tolaǵaı tabys tіleımіn!
Kók týymyz máńgі jelbіreı bersіn! 🇰🇿🇰🇿🇰🇿
Táýelsіzdіgіmіz baıandy bolsyn!