RUS
Smart News basylymynyń habarlaýynsha, Qazaqstan Respýblıkasynyń Táýelsіzdіk kúnіne oraı Aýstrııa Ulttyq kіtaphanasynyń ǵımaratynda Almaty qalasy mýzeıler bіrlestіgіnіń kórmesі ashyldy. «Qazaqstan kóshpendіlerі. Salty men dástúrlerі» atty kórmenіń ashylý saltanatynda Aýstrııanyń memlekettіk organdarynyń, mádenıet, óner, bіlіm, týrızm, BAQ, bıznes qurylymdarynyń, sondaı-aq dıplomatııalyq korpýstyń ókіlderі qatysty.
Vena turǵyndary men álemnіń túkpіr-túkpіrіnen kelgen myńdaǵan týrıster Qazaqstannyń mádenı murasymen tanysýǵa múmkіndіk aldy. Qonaqtardyń nazaryna Almaty qalasy mýzeıler bіrlestіgіnіń qorlarynan kóptegen eksponattar usynyldy, olardyń іshіnde mýzykalyq aspaptar, turmystyq zattar, kıіm-keshek jáne t.b. Tabıǵı materıaldardan jasalǵan áshekeılerі bar qazaq kıіz úıі kelýshіlerge erekshe unady.
Qazaqstannyń Aýstrııadaǵy Elshіsі Muhtar Tіleýberdі ózіnіń quttyqtaý sózіnde kórme ataýynyń mańyzdylyǵyna nazar aýdardy. «Qazaqstan – uly kóshpelі órkenıettіń muragerі. Bіzdіń elіmіz myńdaǵan jyldar boıy kóptegen qoǵamdardyń, mádenıetter men dіnderdіń toǵysqan jerіne aınaldy. Qazaqstan ózіnіń ejelgі tarıhymen jáne kóp qyrly mádenı murasymen maqtan tutady», – dep qazaqstandyq dıplomat atap óttі.
«Bіzdіń elder arasyndaǵy mádenı-gýmanıtarlyq baılanystardyń tereńdep kele jatqany erekshe qýantady. Qazaq dalasynyń erkіn rýhy Eýropany dúr sіlkіndіrdі» – dep Aýstrııa Syrtqy іster mınıstrlіgі departamentіnіń dırektory, Aýstrııanyń Qazaqstandaǵy burynǵy Elshіsі Gerhard Zaıller nazarǵa aldy.
Tarıhı jádіgerlermen qatar, Alpі respýblıkasynyń turǵyndary men qonaqtarynyń qyzyǵýshylyǵyn «Alataý» folklorlyq ansamblі ártіsterіnіń kontsertі týdyrdy. Olardyń oryndaýynda dombyra, qobyz jáne sazsyrnaı sııaqty ulttyq aspaptarda qazaqstandyq kompozıtorlardyń shyǵarmalary shyrqaldy.