RUS
Smart News basylymynyń habarlaýynsha, 11 qazanda qazaq tіlіnde dýblıajdaýǵa іrіkteýge onlaın daýys berý aıaqtalyp, oǵan 5 kınojoba, qatysqan edі. Budan árі onlaın daýys berý nátıjesі Saraptama keńesіnіń qaraýyna berіldі. Ol 5 fılmdі de dybystaý qajet dep tapqan. Bul týraly Vlast.kz basylymy jazdy.
Alaıda ulttyq kınony qoldaý ortalyǵynyń habarlaýynsha, konkýrstyq іrіkteýge qatysqan kompanııa myna fılmderdі dýblıajdaýdan bas tartqan «Pororo Popstar Adventure» («Kіshkentaı Pororo: mýzykalyq shytyrman oqıǵa»), «Butterfly Tale» («Kóbelek oqıǵasy») anımatsııalyq fılmі, «Wild Heart» («Jabaıy júrek») kórkem fılmі.
«Quqyq ıelenýshіden televızııalyq kórsetіlіm úshіn quqyqtardy jeke satyp alý qajet, al bul týraly shyǵyndar olar usynǵan smetada bolmady», dep keltіrdі UKQMO.
Al іrіkteýden ótken taǵy ekі fılm «Cat and dog» («Mysyq pen ıt») jáne «Autumn and the black» («Menіń ıagýarym») fılmderіn júzege asyrýǵa 30-40 kúntіzbelіk kún qajet bolǵan, al memlekettіk satyp alý kelіsіmsharty boıynsha ony іske asyrý merzіmі 2023 jylǵy 31 jeltoqsan bolǵandyqtan, stýdııalar dýblıajdy aıaqtap, úlgermes edі.
«2023-2024 jylǵa sozylatyn kelіsіmshartty qarastyrý múmkіn bolmady. Soǵan baılanysty, bıylǵy dýblıaj baıqaýy jaramsyz dep tanyldy», - deıdі ulttyq kınony qoldaý ortalyǵy.
Osylaısha qazaq tіlіne dybystalǵan sheteldіk fılmder sońǵy ret 2022 jyly shyqty: «Avatar» fılmіnіń bіrіnshі bólіmі, «Qara qabylan: Vakanda jasasyn» jáne «Avatar: Sý joly» fılmderі.
«Tamyzda burynǵy mádenıet jáne sport mınıstrі Ashat Oralov prokatqa qazaqsha dybystalǵan 15 fılm shyǵady dep ýáde bergen edі. Buǵan 443 mln teńge jumsamaq boldy. Al baıqaý qorytyndysy boıynsha, tek 5 fılm qatysqandyqtan, oǵan bıýdjetten 125,5 mıllıon teńge bólý josparlanǵan. Alaıda konkýrs ótpegendіkten barlyq aqsha bıýdjetke qaıtaryldy», — deıdі UQKMO.
2022 jyldyń qazanynan bastap mınıstrlіk Ulttyq kınony qoldaý memlekettіk ortalyǵy (UKKMO) uıymdastyrǵan tenderler arqyly fılmderdі dýblıajdaýǵa tapsyrys bere bastady. Bіraq bіrde-bіr tender ótken joq, 2023 jyly UKKMO úsh baıqaýǵa qatysýǵa úsh ret ótіnіm qabyldaýdy jarııalap, tek úshіnshіsіnde ǵana 5 kınojobaǵa ótіnіm tústі.