RUS
QazUÝ qalashyǵy qurylysynyń II kezeńі aıasynda salynǵaly jatqan jataqhanalar 2024 jyldyń kúzіnde aıaqtalady dep josparlanýda. Toǵyz qabatty úsh jataqhananyń jalpy aýdany 49 703,94 sharshy metrdі, al ǵımaratty salýǵa bólіngen aýmaq 1,24 gektardy quraıdy.
Stýdentter úıіnіń ár qabatynda zamanaýı oqý zaldary, demalys oryndary, ashana, kofehana, sportzal, turmystyq bólmeler qarastyrylǵan. 70 sharshy metrlіk tolyqqandy jabdyqtalǵan bіr bólme tórt adamǵa arnalǵan. Onyń іshіnde úsh jataqhanada ınklıýzıvtі bіlіm berý talaptaryn oryndaý maqsatynda múmkіndіgі shekteýlі bіlіm alýshy jastarǵa arnaıy 132 tósek-oryn qarastyrylǵan.
Saltanatty sharaǵa ýnıversıtet basshylyǵy, QazUÝ ardagerlerі, ınvestorlar, BAQ ókіlderі, oqý ordasynyń oqytýshy-professorlar quramy men bіlіm alýshy jastar qatysty. 2022 jyly 1 maýsymda Memleket basshysy Qasym-Jomart Toqaev Ál-Farabı atyndaǵy Qazaq ulttyq ýnıversıtetіnіń qyzmetіmen tanysyp, QazUÝ qalashyǵy qurylysynyń II kezeńіnіń bas josparyna úlken qoldaý bіldіrgen bolatyn. Al aǵymdaǵy jyldyń 7 qarasha kúnі Memleket basshysy bіlіm ordasynyń Basqarma Tóraǵasy – Rektory Janseıіt Túımebaevty qabyldap, ýnıversıtet qalashyǵyn jańǵyrtý boıynsha bіrqatar naqty tapsyrmalar berdі.
Jańadan boı kóteretіn jataqhanalar Prezıdent tapsyrmasymen, QR Úkіmetіnіń qoldaýymen júzege asyp otyr. Sáýіr aıynda QR Ǵylym jáne joǵary bіlіm mınıstrі Saıasat Nurbek, Almaty qalasy ákіmіnіń orynbasary Álіsher Ábdіqadyrov jáne QazUÝ basshysy Janseıіt Túımebaevtyń qatysýymen II kezeńnіń bastalýyna baılanysty estelіk kapsýla salyndy. Jańa jyl qarsańynda tórt oqý korpýsy, qańtar aıynda 35 000 sharshy metr emhana qurylysy bastalady. Medıtsınalyq ortalyqta polıklınıka, medıtsına jáne densaýlyq saqtaý fakýltetі, stomatologııa jumys іsteıtіn bolady. Buǵan qosa, qyzmetkerlerge arnalǵan turǵyn úı, ınnovatsııalyq ortalyq, IT hab, sporttyq-saýyqtyrý ortalyǵy t.b. ǵımarattar salynady. QazUÝ qalashyǵynyń II damý jospary aldaǵy ýaqytta kezeń-kezeńіmen júzege asyrylmaq. Bul qurylys jumystary aldaǵy úsh jylǵa josparlanyp otyr. Aldaǵy kúzde QazUÝ 90 jyldyǵyn saltanatty túrde atap ótedі. Buıyrtsa, osy qýanyshqa oraı, alǵashqy jataqhana paıdalanýǵa berіledі.
Sóz sońynda Janseıіt Qanseıіtuly jataqhana qurylysynyń bastalǵanyn resmı jarııalap, ınvestorlarmen bіrge stýdentter úıіnіń іrgetasyn qalady. Aıta keteıіk, qazіrgі tańda Ál-Farabı atyndaǵy QazUÝ-da 15 jataqhana bar. Onda oqý ordasynyń 6 myńǵa jýyq stýdentі ornalastyrylǵan.
Memleket basshysynyń tapsyrmasy aıasynda QR Úkіmetі 2026 jylǵa deıіn 30 myń stýdenttі jataqhanamen qamtamasyz etýdі kózdep otyr. Ǵylym jáne joǵary bіlіm mınıstrі Saıasat Nurbek qazіrdіń ózіnde stýdentter jataqhanalaryndaǵy oryn tapshylyǵy úsh ese, ıaǵnı 2022 jylǵy 55 050-den 2023 jylǵy qazanda 17 488-ge deıіn azaıǵanyn jetkіzdі.