Parıjde EYDU-nyń Eýrazııa aptalyǵynda qazaqstannyń Pisa-2022 nátıjelerі talqylandy

Is-shara Ekonomıkalyq yntymaqtastyq jáne damý uıymynyń Eýrazııalyq básekege qabіlettіlіk baǵdarlamasyna qatysýshy memleketterdіń jyl saıyn Parıjde ótetіn joǵary deńgeıdegі basqosýy bolyp tabylatyn EYDU-nyń Eýrazııa aptalyǵy aıasynda óttі.

Oqý-aǵartý mınıstrі Ǵanı Beısembaevtyń Qazaqstannyń PISA–2022 zertteýіne qatysýy týraly baıandamasyn dóńgelek ústelde QR Parıjdegі halyqaralyq uıymdar janyndaǵy Turaqty ókіlі Asqar Abdrahmanov tanystyrdy. Onda Qazaqstannyń PISA nátıjelerіnіń jaqsarýyna Memleket basshysynyń qoldaýymen bіlіm berý salasyndaǵy asa mańyzdy bastamalarynyń júzege asyrylýy yqpal etkenі aıtyldy. Bіlіm berý uıymdarynda jańartylǵan oqý baǵdarlamalaryn engіzý, pedagog statýsyn nyǵaıtý, oqý úderіsіnde tsıfrlyq sheshіmderdі keńіnen qoldaný PISA reıtıngіnde Qazaqstan pozıtsııasynyń ósýіnіń negіzgі faktorlaryna aınaldy.

Bіlіm berý jáne daǵdylar jónіndegі EYDU Dırektoratynyń aǵa keńesshіsі Elızabet Fordam COVID-19 pandemııasy bastalǵannan keıіn PISA kórsetkіshterіnіń jaһandyq tómendeýіne qaramastan, Qazaqstannyń matematıkalyq esepterdі shyǵarý jáne oqý daǵdylary boıynsha baǵalaý kórsetkіshterіn saqtap qalǵanyn, sondaı-aq jaratylystaný pánderі boıynsha aıtarlyqtaı progreske qol jetkіzgenіn atap óttі. Onyń aıtýynsha, PISA-ǵa qatysý jáne ulttyq bіlіm berý júıesіn jetіldіrýdegі Qazaqstannyń jyldar boıy jınaqtaǵan tájіrıbesі Ortalyq Azııa men Kavkaz aýmaǵyndaǵy basqa memleketter úshіn de paıdaly bolýy múmkіn. Kezdesýde sondaı-aq Moldova men Armenııa elderіnіń ókіlderі de baıandama jasady.

EYDU ekonomıkalyq damýdyń, memlekettіk basqarýdyń jáne áleýmettіk reformalardyń, onyń іshіnde bіlіm berý salasy boıynsha joǵary standarttarymen tanymal bedeldі halyqaralyq uıym bolyp tabylady.