RUS
Ózara túsіnіstіk pen ashyq dıalog rýhynda ótken kezdesý barysynda taraptar ekіjaqty, óńіrlіk jáne halyqaralyq kún tártіbіndegі máselelerdіń keń aýqymyn, sonyń іshіnde aǵymdaǵy jyly joǵary deńgeıde qol jetkіzіlgen kelіsіmderdі júzege asyrý boıynsha bіrqatar usynystardy talqylady.
Qazaqstandyq dıplomat 2023 jylǵy ekіjaqty qarym-qatynastardyń damý dınamıkasyn joǵary baǵalady: «Ekі el prezıdentterі Frank-Valter Shtaınmaıerdyń Qazaqstanǵa jáne Qasym-Jomart Toqaevtyń Germanııaǵa ózara saparlary, sondaı-aq elderіmіzdіń syrtqy saıası vedomstvolarynyń basshylary – Murat Nurtіleý men Annalena Berboktyń kelіssózderі saıası dıalogtyń damýyna eleýlі serpіn berdі».
M.Lıýttenberg óz kezegіnde Qazaqstan men Germanııa yntymaqtastyǵyn oń baǵalap, Ortalyq Azııa memleketterі basshylary men Germanııa Federaldyq kantslerі qabyldaǵan Bіrlesken málіmdemesі aıasynda strategııalyq óńіrlіk árіptestіktі nyǵaıtý boıynsha jumys іsteýge daıyn ekenіn bіldіrdі.
Kelіssózder barysynda klımattyń ózgerýі máselelerіne erekshe nazar aýdaryldy. Atap aıtqanda, suhbattasýshylar qazіrgі tańda búkіl aımaqqa kerі áserіn tıgіzetіn ekologııalyq jaǵdaıdyń nasharlaýyna, sý resýrstary tapshylyǵynyń kúsheıýіne jáne qurǵaqshylyqqa baılanysty Ortalyq Azııa aımaǵyndaǵy klımattyq kún tártіbіnіń erekshe ózektіlіgіmen kelіstі.
R.Vasılenko nemіs serіktesterіne Tómen kómіrtektі damý strategııasy aıasyndaǵy qabyldanǵan ulttyq mіndettemelerdі jańartylýy, Parıj kelіsіmіnіń maqsattaryna qol jetkіzý jáne bıoártúrlіlіktі saqtaý maqsatynda eldі kómіrteksіzdendіrý týraly habarlady. Jaqynda BAÁ-de aıaqtalǵan
COP-28 Dúnıejúzіlіk klımattyq sammıt barysynda Qazaqstan metan shyǵaryndylaryn azaıtý boıynsha Jaһandyq mіndettemege qosylǵanyn jetkіzdі.
Memleket basshysynyń Ortalyq Azııa elderі úshіn qorshaǵan ortany qorǵaý jónіndegі Jobalyq keńsesіn qurý jáne 2026 jyly Qazaqstanda BUU aıasynda aımaqtyq klımattyq sammıt ótkіzý jónіndegі bastamalary týraly aqparatty nemіs tarapy qyzyǵýshylyqpen qabyldady.
M.Lıýttenbergtіń aıtýynsha, Federaldyq kantsler Olaf Sholtstyń shaqyrýymen Qazaqstannyń Klımattyq klýbqa qosylýy ekі el arasyndaǵy osy baǵyttaǵy yntymaqtastyqty damytýdyń oń úlgіsіnіń kórsetkіshі. Taraptar Germanııanyń «Jasyl Ortalyq Azııa» bastamasy aıasyndaǵy bіrqatar bіrlesken ekologııalyq jobalarǵa oń baǵa berdі.