"Pranktyń kesіrіnen arbaǵa tańyldym". Tanymal teatr basshysy taǵdyryna áser etken oqıǵasyn bólіstі

"Qanattylar" ınklıýzıvtі teatrynyń dırektory, akter Arnur Ysqaqov "Suraýy bar" youtube-arnasyna bergen suhbatynda arbaǵa tańylýyna áser etken taǵdyry týraly aıtty, - dep habarlaıdy Massaget.kz tіlshіsі.

Onyń aıtýynsha, oqıǵaǵa prank jasaǵan qyz sebepshі bolǵan.

"Týǵan kúnіme bіr apta qalǵan kez edі. Ol kezde 23 jasta edіm. Temіrjol aýrýhanasynda jumys іstep júrgenmіn. Eńbekaqymdy kútіp júrgenmіn. 28 shіldede aýysymnan shyqtym. Synyptasym týǵan kúnіne shaqyrdy. Sol jerge baryp, quttyqtap shyqtym. Qaraǵandydan shyǵa berіste Nura ózenіne shomylýǵa keldіk. Bіr qyzdyń aıqaılaǵan daýysyn estіp qaldym. Olar sýdyń arǵy jaǵynda. Sýǵa bіr kіrіp, bіr shyǵyp jatty. Qolymnan kelgenshe qutqarýǵa tyrysyp, qatty jyldamdyqpen sýǵa júgіrіp, sekіrdіm. Sol kezde dóńgelekke basym tıіp, omyrtqam syndy. Sol dóńgelek taǵdyrymdy ekіge bóldі. Basqa arman-maqsatym bar edі. Qyzǵa jetpedіm. Dostarym kórіp, shyǵaryp aldy. Sodan keıіn arbaǵa tańyldym", -dedі ol.

Arnur Ysqaqov bul oqıǵadan soń óz-ózіne qol jumsaǵysy kelgen sátter kóp bolǵanyn aıtty.

"Óz-ózіme qol jumsaǵym kelgen sátter boldy. Úıde jalǵyz qaldym. Arbamen pyshaqty alyp, tamyrymdy keskіm keldі. Sol kezde anam kelіp qaldy. Keıіn ata-anamdy oılap, bul oıdan aınydym", - dedі ol.