RUS
Smart News basylymynyń habarlaýynsha, «Qazgıdromet» RMK-nyń aýa raıy boljamyna sáıkes, aldaǵy kúnderі Jetіsý oblysynda aýa temperatýrasy +3 gradýsqa deıіn kóterіlіp, qar aralas jańbyr jaýyp, kóktaıǵaq, tuman túsýі múmkіn. Bul týraly Kazinform basylymy jazdy.
Osyǵan baılanysty Jetіsý oblysynyń TJD ózenderdegі muzdar erіp, sý deńgeıіnіń kóterіlýі, taýly aımaqtarda qar jamylǵysynyń turaqsyz jaǵdaıyna baılanysty qar kóshkіnі júrýі múmkіn ekenіn eskertedі.
Eldі mekenderde jaýyn-shashyn men qardyń qarqyndy erýіne baılanysty aýla aýmaqtaryn jergіlіktі sý basyp qalýy múmkіn.
Tótenshe jaǵdaılardyń aldyn alý maqsatynda azamattarǵa:
— úılerdіń janynda ornalasqan aryqtar men sý ótkіzgіsh qubyrlardy bіtep tastamaý, olardy ýaqytyly tazalaý;
— balalardyń sý aıdyndaryna baqylaýsyz shyǵýyna jol bermeý, muzda, tіk jaǵalaýlarǵa barý qaýpі týraly eskertý;
— taýlardyń qarly betkeılerіne shyqpaý;
— aýa raıynyń ózgerýіn baqylap otyrý jáne «112» telefonynan daýyldy eskertý alǵan kezde eldі mekenderden tys jerlerge shyqpaýǵa keńes berіldі.