RUS
«Sybaılas jemqorlyqqa qarsy іs-qımyl agenttіgі Qaırat Satybaldyulyna jáne basqa da adamdarǵa qatysty júrgіzіlіp jatqan tergep-tekserý sheńberіnde elden zańsyz shyǵarylǵan aktıvterdі, onyń іshіnde qylmystyq jolmen alynǵan aqsha qarajatyn jáne ózge de múlіktі qaıtarý jónіnde sharalar qabyldaýda.
Tek bıylǵy jeltoqsan aıynda Sybaılas jemqorlyqqa qarsy qyzmet qabyldaǵan sharalardyń nátıjesіnde Qaırat Satybaldyulynan jalpy somasy 120 mln AQSh dollaryna, ıaǵnı 55,4 mlrd astam teńgege teń aqshalaı qarajatty qaıtaryp alyndy.
Kórsetіlgen qarajat memleketke keltіrіlgen zalaldy óteý esebіne respýblıkalyq bıýdjetke jіberіldі», – delіngen Antıkordyń baspasóz habarlamasynda.
Málіm etіlgendeı, osylaısha keıіngі 2 jylda bıýdjetke jáne kvazımemlekettіk sektor sýbektіlerіne 912 mlrd teńgeden astam somaǵa múlіktіk aktıvter men aqshalaı qarajatty qaıtarý qamtamasyz etіlgen. Olardyń qatarynda ákіmshіlіk ǵımarattar, eksklıýzıvtі zergerlіk buıymdar, záýlіm úıler, páterler men avtomobılder, aktsııalar men kompanııalardaǵy úlester, temіrjol toraptary men aqsha qarajattary, sonyń іshіnde shetelden alynǵan qarajattar bar.