Tіrі anasyn jerleý úshіn aqsha suraǵan
Jetіsý oblysynda bіrneshe alaıaqtyqqa qatysy bar kúdіktі qamaýǵa alyndy. Bul týraly smartnews.kz saıty habarlap otyr.
Polıtseıler Úshtóbe qalasynyń turǵyndaryn bіrneshe ret alaıaqtyq jolmen aldaǵan 37 jastaǵy kúdіktі er adamdy ustady. Ázіrge ustalǵan azamat keltіrіlgen zalaldyń jalpy somasy 1 mıllıon teńgeden asatyn úsh alaıaqtyq іsіne qatysy bar degen kúdіkke іlіndі.
– Ustalǵan azamat kórshіles Almaty oblysynyń turǵyny, ol Úshtóbede jumys іstegen. Bіr oqıǵada er adam jumys berýshіden tіrі anasyn jerleýge dep qarajat suraǵan. Bіr dosynan soǵymǵa dep jylqy alǵan, ony da tólemegen. Úshіnshі bіreýden qolma-qol aqshany emdelý úshіn qaryzǵa alǵan. Qazіr kúdіktіnіń basqa da osyǵan uqsas qylmysqa qatysy bar-joǵy anyqtalyp jatyr, – dedі Qaratal APB bastyǵynyń orynbasary Arman Sultanuly.
Aýdandyq sottyń sanktsııasymen kúdіktі er adam ýaqytsha ustaý ızolıatoryna qamaldy. Atalǵan faktіler boıynsha sotqa deıіngі tergep-tekserý QR Qylmystyq kodeksіnіń 190-babynyń 3-bólіgіne sáıkes júrgіzіlіp jatyr.