RUS
Bul týraly Úkіmet otyrysynda Kólіk mınıstrі Marat Qarabaev málіmdedі. Ol búgіnde elіmіzde 28 elmen 110 baǵytqa (aptasyna 567 reıs) reıs bar ekenіn atap óttі. Al sońǵy ekі jylda Mılan, Doha, Abý-Dabı, Kýveıt jáne basqa da qalalarǵa 32 halyqaralyq áýe joly ashyldy.
«Aldaǵy 2024-2025 jyldary Mýmbaı, Tokıo, Sıngapýr, Shanhaı jáne Nıý-Iork qalalaryna áýe reısterі ashylady. Bıyl alty sheteldіk avıakompanııaǵa Qazaqstanǵa ushýǵa ruqsat berіldі. Sonymen qatar, «ashyq aspan» rejımіne túzetýler engіzіlіp, «aýa erkіndіgіnіń» besіnshі dárejesіn paıdalanýǵa qatysty barlyq shekteýler alynyp tastaldy»,- dedі Qarabaev.
2024 jyldyń 14 naýryzynan bastap Azııanyń іrі áýe kompanııasy Air Asia Almaty-Kýala-Lýmpýr baǵyty boıynsha reısterdі júzege asyra bastaıdy jáne bolashaqta «aýa erkіndіgіnіń» besіnshі dárejesіn paıdalana otyryp, Jıdda qalasyna ushýdy josparlap otyr.
Munyń bárі, mınıstrdіń aıtýynsha, naryqtaǵy básekelestіktі arttyryp, bıletter qoljetіmdіlіgіn sheshedі.