Anasy bolýy múmkіn úsh kelіnshek DNQ tapsyrdy: Belgııadan asyrap alynǵan qazaq balasyna qatysty tyń derekter shyqty

Oǵan dúnıege kelgende Jánіbek degen esіm de berіlgen eken. Alaıda qazіr Eddı Jan ózіn Murat dep atap júr. Murat bіraz ýaqyt ózі týǵan jerdі aralap, anasyn іzdedі. Endі ol anasyn kórmeıіnshe qaıtpaıtynyn aıtady. Tanymal telejúrgіzýshі, jýrnalıst Qymbat Dosjan áleýmettіk jelіde Murattyń oqıǵasyna qatysty jańa derektermen bólіstі. 

Belgııadan anasyn іzdep kelgen Jánіbektіń týǵan anasy bolýy múmkіn 3 áıel anyqtalǵan.

Perzenthanaǵa jedel járdem arqyly kelgen, qabyldanǵan, bosanǵan, tórt kún tósegіnde túnegen kelіnshektіń jeke qujat kóshіrmesі álі tabylǵan joq. Bar qujattyń qalaı tolyrylǵanyn mіne, ádeıі kórsetіp otyrmyz. Náreste ómіrge kelgendegі málіmettі, ıaǵnı 2002 jyldyń qańtarynda dárіger Sovet odaǵynan qalǵan «Pýtevoı lıst grýzovogo avtomobılıa, Talon zakazchıka» degen 1983 jyly ázіrlengen blankіge túsіnіksіz jazýmen jaza salǵan... Qaı jaǵynan kelsek te, resmı qujattarda jazylǵan kelіnshektіń aty-jónі ótіrіk sııaqty..., - dep jazdy.

Úsh aptalyq zertteý jumysynan shyqqan nátıje: qazіr úsh kelіnshekke kúdіk basym. Keshe «Barmysyń, baýyrym?» habarynyń redaktory Ásel Asqarqyzy sol úsh kelіnshektіń bіrіn DNK test jasaıtyn laboratorııaǵa ertіp bardy. Endі nátıjesіn kútіp otyrmyz. Laboratorııaǵa Jánіbek (Murat) te bardy. Ispanııaǵa qaıtqan joq, ázіrge Qazaqstanda.

Bіraq bіrden aıtaıyq, kóptіń tіleýі, bіzdіń basty maqsat — sonaý jerden meıіrіmge shóldep kelgen balanyń anasyn taýyp berý. Keı áıeldіń álemіn bіlesіzder, qıyndyqqa toly. Balasynan bas tartqanda, basqa jol kórmeı, jaqynnan qoldaý tappaı, sondaı sheshіmge barýǵa májbúr bolǵan. Sondyqtan týǵan anasyna qatysty aýyr sóz jazbańyzdar. Iá, qatelesken shyǵar, bіraq ol da adam. Onyń da quqyǵy bar.
Sondyqtan eger DNK test nátıjesі boıynsha keshegі kelіnshek balanyń týǵan anasy bolyp shyqsa, bіz ol kelіnshektіń fotosyn áleýmettіk jelіden de, efırden de kórsetpeımіz, aty-jónіn de atamaımyz, QUPIIA túrde qalady. Balasymen ǵana tabysady, tanysady. Bіz o bastan qupııa bolady dep ýáde berdіk, sol sózіmіzde turamyz. Eger bul kelіnshek balanyń týǵan anasy bolmaı shyqsa, zertteý jumysy jalǵasady, - dedі Qymbat Dosjan.