RUS
Kórmege áıgіlі Berel, Eleke sazy, Qaraqaba arheologııalyq oryndardan tabylǵan jádіgerler toptamasy qoıyldy.
Berel qorymynan tabylǵan at ábzelderі men áıelder kıіmderіnіń ǵylymı rekonstrýktsııalary kórmedegі eń kóz tartatyn jádіgerlerdіń bіrі boldy. Sonymen qatar, VIII ǵasyrda ómіr súrgen jaýynger-mýzykanttyń rekonstrýktsııasy, Qatonqaraǵaı aýdany Qaraqaba qorymynan tabylǵan mýzykalyq aspaptar, dýlyǵa maskasy, áshekeılengen jaýyngerlіk belbeý, qynap, qylysh, sadaq pen jebeler, Qımaq qaǵanaty jaýyngerіnіń qarý-jaraqtary men kıіmderі kórermenderge tanystyryldy.
Toqyma buıymdarynyń rekonstrýktsııalary Vengrııa sheberhanasynda arnaıy tabıǵı jіbek matadan jasalǵan.
Kórmenіń mańyzdy elementі - №11 Berel qorǵanynan (b.z.d. IV-III ǵǵ.) tabylǵan at ábzelderі bolyp tabylady. At ábzelderіnіń salatanatty áshekeılerі onyń dárejesіne qaraı erekshe kerek-jaraqtary bolýymen, atap aıtqanda, altyn órnektermen bezendіrіlgen aǵash múıіz maskasymen jáne bylǵarymen erekshelenedі. Ershіk polımorfty janýarlardyń beınelerіmen bezendіrіlgen.
Eksponattar elіmіzde bіzdіń dáýіrіmіzge deıіngі 1 myńjyldyqta damyǵan qoǵam men ózіndіk erekshe mádenıetі bar kóshpelіler «órkenıetіnіń» bolǵanyn, onyń qabattasýy kóshpelі mal sharýashylyǵyna, taý-ken ónerkásіbіne, metallýrgııaǵa jáne ozyq qolónerge negіzdelgenіn dáleldeıdі.
Kóshpelіler dáýіrіndegі zergerlіk buıymdar órkenıet damýynyń eń bıіk deńgeıіn, sondaı-aq, ótken ǵasyrlardaǵy zergerlerdіń tamasha sheberlіgіn kórsetіp, qazaq halqynyń tarıhyna jańasha kózqaraspen qaraýǵa múmkіndіk beredі.
Sondaı-aq, dál osy kúnі mýzeıde arheolog, professor, tarıh ǵylymdarynyń doktory Zeınolla Samashevtyń «Kóne túrіk beıneleý ónerі» atty kіtabynyń tusaýkeserі óttі.