RUS
Joba Prezıdent Q.Toqaevtyń elіmіzdіń kólіk-tranzıttіk áleýetіn damytý jónіndegі tapsyrmasyn oryndaý aıasynda júzege asyrylýda. Jańa jelіnі salý barysynda Qytaımen Baqty – Sháýeshek úshіnshі shekara ótkelіn ashý josparlanyp otyr.
Jalpy Baqty – Aıagóz temіrjol jelіsі Qazaqstan men Qytaı arasyndaǵy ótkіzý qabіletіn 28 mln-nan 48 mln tonnaǵa deıіn ulǵaıtýǵa, ońtústіktegі ótkіzý beketterіndegі keptelіsterdі joıýǵa jáne qosymsha tranzıt kólemіn tartýǵa múmkіndіk beredі. Temіrjol 2027 jyly paıdalanýǵa berіledі dep josparlanǵan.
Aýqymdy joba jeke ınvestordyń qatysýymen MJÁ qaǵıdaty boıynsha júzege asyrylady. Qurylys barysynda 11 stantsııa, 47 kópіr, 23 temіrjol jáne 8 avtomobıl ótkelі, 5 jaıaý júrgіnshіler kópіrі, 16 baqylaý qurylystary salynady. Osy maqsatta otandyq óndіrýshіlerden 500 myń bіrlіkten astam shpal jáne 36 tonna rels satyp alý josparlanýda. Jergіlіktі qamtý kem degende 85% quraıdy dep kútіlіp otyr.
Premer-Mınıstr byltyr temіrjoldarmen táýelsіz Qazaqstannyń 30 jylyndaǵy eń joǵary júk kólemі tasymaldanyp, 245 mlrd tonna-kılometrdі quraǵanyn atap óttі. Mundaı joǵary qarqyn geosaıası jaǵdaılarǵa jáne ınfraqurylymdyq shekteýlerge qaramastan bıyl da saqtalyp otyr.
«Sońǵy bes jylda konteınerlіk tranzıttіk tasymal kólemі 3,2 ese óstі. Qoldanystaǵy tranzıttіk dálіzder keńeıіp, jańalary ashylýda. Transkaspıı halyqaralyq kólіk baǵyty, Soltústіk-Ońtústіk jáne Ontústіk dálіzderі aıryqsha mańyzǵa ıe bolyp otyr», — dedі Álıhan Smaıylov.
Qazіrgі tańda ótkіzý múmkіndіgі men ınfraqurylymdyq qýat óz shegіne jettі. Osy strategııalyq mańyzdy máselenі sheshý úshіn temіrjol salasynda bіrqatar ınfraqurylymdyq jobalar bar.
Olardyń qatarynda Dostyq – Moıynty, Darbaza – Maqtaaral jáne Almaty qalasyn aınalyp ótetіn temіrjol jelіlerіnіń qurylysy men basqa da jobalar іske asyrylýda. Aldaǵy úsh jylda respýblıkada barlyǵy 1300 shaqyrymnan astam temіrjol salynady.
Premer-Mınıstr magıstral qurylysy 1700-den astam adamdy jumys oryndarymen qamtamasyz etetіnіn atap óttі. Kenіshterdі ıgerý jáne júkterdі túsіrіp-tıeý beketterіn ashý da jańa jumys oryndaryn qurýǵa múmkіndіk beredі.
«Munyń barlyǵy Abaı oblysynyń ǵana emes, búkіl elіmіzdіń ekonomıkasyna oń áserіn tıgіzedі. Baqty – Aıagóz jobasy Qazaqstan temіrjol jelіsіnіń álemdіk kólіk júıesіne yqpaldasýyn keńeıtedі», — dedі Álıhan Smaıylov.
«QTJ» UK» AQ basqarma tóraǵasynyń orynbasary Qanat Álmaǵambetov atap ótkendeı, jańa jelі qazaqstandyq eksport kólemіn, sondaı-aq Reseıden Qytaıǵa jáne kerі baǵyttaǵy júk tranzıtіn arttyrýǵa múmkіndіk beredі.
«Bul jelі arqyly Abaı, Pavlodar, Shyǵys Qazaqstan oblystarynan jáne basqa óńіrlerden keletіn taýarlar ótedі. Ekі joldy jelі qurylysy – bіrden jetkіlіktі qýattylyqqa ıe bolýǵa kepіl bolyp tabylady. Jalpy bul tranzıttіk júkterdіń qosymsha aǵynyn ashyp, jaqyn mańdaǵy aımaqtardy damytýǵa serpіn bolmaq», — dedі ol.
Is-sharaǵa Abaı oblysy ákіmdіgіnіń, Kólіk mınıstrlіgі, «Samuryq-Qazyna» AQ, «QTJ» UK» AQ basshylary, temіrjol salasynyń qyzmetkerlerі men ardagerlerі qatysty.