RUS
Baǵdarlamaǵa ánnіń avtory men oryndaýshy onlaın qatysyp, ózderіnіń ýájderіn ortaǵa saldy. Túrkіstandyq sazger atalǵan ándі 1993 jyly ózіnіń 40 jasyna arnap jazǵanyn atap óttі.
"Qazіr 70 jastamyn. Muny aýylda otyrystarda "qyryqtan asyp baramyn" dep aıtyp júrdіm. Keıіn ánshіler suraǵannan keıіn Muqaǵalıdіń sózіne jazylǵan ánge aıtyp júrdіm. Kóp jerde menіń ánіm ekenіn bіledі. Búkіl túrkіstandyqtarǵa tanymal án. Al Aıqyn Tólepbergen oryndaǵan kezde menіń aty-jónіmdі aıtpaıdy. Oǵan habarlasqanymda, "Bul án sіzdіkі emes, Tursynǵazy Rahımovtan aldym" deıdі. Adam іshіnen shyqqan týyndysyn eshkіmge bermeıdі ǵoı", – deıdі sazger.
Al Aıqyn sazgerdіń sózіmen kelіspeıtіnіn aıtty.
“Maǵan habarlasyp, “Otyzdan asyp baramyn" ánіnіń avtorymyn dedі. Balasy habarlasyp, aqsha surady. Sodan keıіn men avtorlyq qoǵamǵa suranys jіberіp, ánnіń avtory basqa adam ekenіn bіldіm. Keıіn aǵaıǵa habarlasyp, muny aıttym. Menі sotqa berdі, bіraq men jeńіp shyqtym. Sóıtіp, másele jabyldy", – deıdі ánshі.
Alaıda, Tursynǵazy Rahımovtyń áıelі sazgerdіń sózіmen kelіsіp, ony shyndyqqa balady.