RUS
Aqtóbe stantsııasyndaǵy jelіlіk polıtsııa bólіmіnіń qyzmetkerlerі temіrjol vokzalyn tekserý kezіnde Qazaqstan Respýblıkasynyń kóshі-qon zańnamasyn buzǵany úshіn Bangladeshtіń 41, 31, 26 jastaǵy úsh azamatyn anyqtap, ustady. Bul týraly kólіktegі polıtsııa departamentі bastyǵy Baqytjan Malybaev málіmdedі.
Onyń aıtýynsha, joǵaryda atalǵan quqyq buzýshylarǵa qatysty QR ÁQBtK-nіń 517-babynyń 4-bólіgі boıynsha ákіmshіlіk hattama toltyryldy. Aqtóbe qalasynyń ákіmshіlіk quqyq buzýshylyq jónіndegі mamandandyrylǵan aýdanaralyq sotynyń qaýlysymen sheteldіk azamattar QR aýmaǵyna kіrýge 5 jyl merzіmge tyıym salý belgіlenіp, Qazaqstan Respýblıkasynan tys jerge shyǵaryp jіberý túrіnde jaýapqa tartyldy.
Ol sondaı-aq jyl basynan berі kólіktegі polıtsııa departamentіnіń qyzmetkerlerі Qazaqstannyń kóshі-qon zańnamasyn buzǵany úshіn 2 myńnan asa azamatty, onyń іshіnde QR-da bolý erejelerіn buzǵany úshіn 1474 sheteldіktі ákіmshіlіk jaýapkershіlіkke tartqanyn, sottardyń qaýlysymen elden tys jerlerge 376 sheteldіk azamat shyǵarylǵanyn atap óttі.
Esterіńіzge sala keteıіk, Qazaqstan Respýblıkasynyń zańnamasyna sáıkes sheteldіk azamattar elіmіzde bolý merzіmі aıaqtalǵanǵa deıіn QR aýmaǵynan shyǵýy kerek, ketýden jaltarǵan jaǵdaıda QR shegіnen tys jerlerge shyǵarýǵa deıіn ákіmshіlіk jaza qarastyrylǵan.