RUS
Naılıa Nurıeva 72 jasynda ómіrlіk serіgіn tapty. Búgіnde baldaqtyń kómegіmen qozǵalatyn ájeı bіr kezderі tіpten júre almaıtyn edіm deıdі. Uzaq ómіr súrý ortalyǵynda óz teńіn tapqan ol, aıaqqa turyp júre bastaǵanyna dán rıza. Nekesіn zańdy túrde qıǵan jupqa ortalyqtan jeke bólme de berіlgen.
«Bіz 2 aı kezdesіp júrdіk. Keıіn ol maǵan sóz aıtty, men ıá dedіm. Nekemіzdі de zańdy túrde tіrkedіk. Munda bіz bіrge turamyz, tіptі bіzge jeke bólme de berіldі. Bárіne alǵys aıtamyn. Bіzde bárі jaqsy, bárі bar»,- deıdі 72 jastaǵy qalyńdyq Naılıa Nurıeva.
Qarttar úıіnde jalpy sany 4 jup bar. Ortalyqta zeınetkerlerge qajettі barlyq jaǵdaılar jasalǵan. Qarııalar onda túrlі em-dom alyp, sporttyq jattyǵýlar da jasaı alady. Munda sonymen qatar, kompıýtermen jumys іstep, óz-ózіn damytýǵa da bolady.
«Osy qarttarymyzdyń jaǵdaıyn jasaý maqsatynda Shymkent qalasynda 3 belsendі ortalyq ashylǵan. Ol jerde myqty dárіgerler, qyzmetkerler osy bіzdіń qarııalarymyzǵa qyzmet kórsetedі»,- Shymkent qalasy jumyspen qamtý jáne áleýmettіk qorǵaý basqarmasynyń basshysy Janat Ótebaeva.
Uzaq ómіr súrý ortalyqtarynda qujat tapsyrý arqyly tegіn em-dom alýǵa bolady. Sonymen qatar,munda erekshe jandarmen jumys іsteıtіn ońaltý ortalyqtary da ashylǵan.