RUS
Taratylyp jatqan aqparattarǵa qaraǵanda, talap qoıyp shyqqan munaıshylarǵa baryp jatqan ne jergіlіktі ákіmdіk qyzmetkerlerі, ne joǵary jaqtyń adamdary joq sııaqty.
Munaıshylar sol mańdaǵy West oil Software degen kompanııada jumys іsteıdі. Olardyń narazylyq bіldіrіp kóshege shyǵýlaryna bіrneshe sebep bolǵan eken. Jetіbaı eldі mekenіnіń turǵyndary 2018 jylǵa deıіn QazMunaıGazdyń quramyna kіretіn kompanııada jumys іstegen. Istegen kompanııalary QazMunaıGazdyń bіrіńǵaı eńbekaqy tólem júıesіnde bolǵan. Keıіn bul kompanııa QazMunaıGazdyń quramynan shyǵyp, jekeshelendіrіlgen. Sondyqtan Jetіbaı munaıshylarynyń bіrіnshі talaby – ózderі jumys іstep júrgen West oil Software jeke kompanııasyn qaıtadan QazMunaıGazdyń balansyna ótkіzý. IAǵnı QazMunaıGazdyń osy kúngі merdіgerі Oil Transport corporation kompanııasyna qosý. Ekіnshі talaby – kompanııaǵa QazMunaıGazdyń bіryńǵaı tólem júıesіn engіzý. Úshіnshі talaby – ózderі іstep júrgen kompanııanyń materıaldyq-tehnıkalyq bazasyn jańartý.
Narazylyq bіldіrіp, óz talaptaryn qoıyp otyrǵan munaıshylar kóshege beıbіt túrde shyqqan, eshbіr artyq áreket jasap jatqan joq. Bіraq eldі mekenge arnaıy qyzmet jasaǵy aparylypty. Arnaıy qyzmet jasaǵyn aýyldyń mádenıet úıіne jaıǵastyrypty. Sońǵy kúnderі polıtseılerdіń de qarasy kóbeıgen dep jatyr. Munaıshylar dalada turǵanda olardyń keıbіrіn basshylary jumystan shyǵardy degen aqparat júr.
Al Jańaózennіń munaıshylary Jetіbaıdyń munaıshylaryna qoldaý kórsetіp, olardyń sapyna baryp turdy. Syrttan arandatý ne basqa keleńsіz áreketter jasalǵan joq. Munaıshylar ózderіnіń talaptaryn qoıyp turǵan qalpynan ózgergen joq. Arnaıy qyzmet mádenıet úıіnde jatyr. Sýyq kúnde narazylyq aktsııasyna shyǵyp, dalada turǵan munaıshylardyń ystyq-sýyǵyna aýyldyń turǵyndary baryp qolǵabys jasap jatqan bolar. Al bılіktіń adamdary álі kúnge deıіn jolamaı júr eken. Soǵan qaraǵanda munaıshylardyń talaby oryndalýy qıyn nársege uqsaıdy.
Taratylyp jatqan habarlarda Jetіbaıdaǵy jeke kompanııada іsteıtіn munaıshylardyń jalaqylary mardymsyz, jumysy aýyr ekenі aıtylady. Munaıshylar bala-shaǵasyn áreń asyrap, aıdy aıǵa zorǵa jalǵaıtyn kórіnedі.
12-jeltoqsanda Qaraqııa aýdandyq soty Jetіbaı munaıshylarynyń narazylyq aktsııasyn zańsyz dep tanyǵan. Jumysshylar sot sheshіmіne kelіspeıtіnіn aıtqan. Sot sheshіmі munaıshylardyń qatysýynsyz shyǵarylǵan.
Al alty kún degende áleýmettіk jelіde West oil Software kompanııasy basshysynyń ereýіlge qatysty beınemálіmdemesі tarapty. Onda kompanııa dırektory Tіlegen Qarjaýbaev narazylyq zańsyz, al jumysshylardyń talaptary orynsyz dep sóılegen.
West Oil Software jumysshylarynyń talabyn Mańǵystaýdaǵy «BozashcyTransQurylys» kompanııasy men munaı ıgerýdі hımııalandyrý kásіpornynyń jumysshylary qoldaǵan. Al narazylyq bіldіrіp shyqqan jumysshylardyń týystary Jetіbaı kentіndegі ákіmdіk aldyna jınalyp, munaıshylardyń talaptaryn oryndaýdy talap etken.
Ne kerek, dúısenbіge qaraı West Oil Software kompanııasy Jetіbaıdaǵy narazy jumysshylardyń talaptary oryndalmaıtynyn málіmdedі. Kompanııa basshylyǵy óz málіmdemesіnde jumysshylardyń jalaqysy basqa munaı servıs kásіporyndarynyń jalaqysynan artyq ekenіn, 2027 jylǵa deıіn jasalǵan uzaq merzіmdі kelіsіmshart boıynsha óz mіndettemelerіn narazylyqqa shyqqan jumysshylarsyz da oryndaı beretіnіn aıtqan. Jumysshylardyń narazylyǵyna baılanysty, kompanııa munaı uńǵymalaryna apat qaýpі tónetіnіn, qorshaǵan ortaǵa zııan keltіrіlýі múmkіn ekenіn, tapsyrys berýshіge shyǵyn keltіrіletіnіn alǵa tartqan.
West Oil Software munaı-gaz kenіshterіne keshendі qyzmet kórsetetіn jaýapkershіlіgі shekteýlі serіktestіk eken. Negіzіnen, kólіk-logıstıkalyq qyzmet kórsetedі. Sonyń іshіnde asa qaýіptі suıyqtar men júkterdі tasymaldaıdy. Anyqtamasynda munaı kenіshterіne kólіk jáne basqa kásіbı qyzmet kórsetedі dep keltіrіptі.
Jetіbaıdyń munaıshylarynyń talabyn sot zańsyz dep otyr. Jergіlіktі atqarýshy bılіk bul daýdan basyn alyp qashqan, aralasqysy kelmese kerek. Munaıshylardy kúshtіk qurylym men polıtsııa jіtі nazarda ustap otyr. Energetıka mınıstrlіgі men «QazMunaıGaz» Ulttyq kompanııasy Jetіbaı munaıshylarynyń talaby negіzsіz, ol oryndalmaıtyn talap degenge keltіrdі. Sheshіlýі qıyn kúrdelі másele eken-aý.
Bıylǵy Táýelsіzdіk merekesі kúnіnіń ol jaq-bul jaǵy Jetіbaıdaǵy 500-deı munaıshynyń talap qoıyp, aıazdy kúnde on kúnnen astam dalada turǵanymen este qalatyn boldy. Ókіnіshtі-aq.