RUS
Astana ákіmі Jeńіs Qasymbek jylýmen jáne sýmen jabdyqtaý máselelerі qalaı sheshіletіnіn aıtty.
«Ótken jylytý maýsymynda 432 Gkal jylý tapshy boldy. Bıyl úsh jylýmen jabdyqtaý nysanynyń qurylysy aıaqtalǵandyqtan, jaǵdaı kerіsіnshe, profıtsıtke shyǵyp tur. Mysaly, qazan aıynda JEO-3-tіń bіrіnshі kezeńіnіń qurylysy aıaqtaldy, ol qurylysy uzaqqa sozylǵan nysanǵa aınalǵan bolatyn. Atalmysh jylý elektr ortalyǵynda barlyq tórt qazandyq jumys іsteıdі. Bul qalaǵa saǵatyna 440 Gkal beredі. JEO-3 sol jaǵalaýdyń bіr bólіgіn jáne jańa salynyp jatqan aýdandardy jylýmen qamtıdy.
Sondaı-aq, jańa qýattar jańa energııa kózderіne іske qosyldy. Bul gaz jylý stantsııalary (GJS) Qazaqstanda alǵash ret ashylyp otyr. «Ońtústіk-Shyǵys» gaz jylý stantsııalary men «Turan» bіrіnshі kezeńіnіń qýaty saǵatyna 700 Gkal quraıdy. Bul JEO-3 qýatynan ekі ese artyq», - dedі Astana ákіmі Jeńіs Qasymbek.
«Ońtústіk-Shyǵys» gaz jylý stantsııasy «Baǵystan», «Myńjyldyq alleıasy» turǵyn úı keshenderіn, qalanyń sol jaǵalaý bólіgіn jylýmen qamtamasyz etedі. Al «Turan» gaz jylý stantsııasy qalanyń sol jaǵalaýynda qurylysy júrіp jatqan jańa aýdandardy qamtıdy.
Keler jyly eń aldymen «Telman» gaz jylý stantsııasyn jáne ekіnshі kezekte «Turan» gaz jylý stantsııasyn paıdalanýǵa berý josparlanyp otyr. Bul qalany taǵy 850 Gkal/saǵ jylý qýatymen qamtamasyz etýge múmkіndіk beredі. Osylaısha aldaǵy 5 jyl іshіnde rezervtіk jylý qýatyn qamtamasyz etedі.