RUS
Onyń іshіnde 131 adam magıstratýrada, 4 adam doktorantýrada oqıdy, 32 qazaqstandyq álemnіń jetekshі joǵary oqý oryndary men óndіrіstіk ortalyqtaryna taǵylymdamadan ótýge jіberіledі.
Bul rette stıpendıattardyń basym kópshіlіgі ınjenerlіk-tehnıkalyq beıіn baǵyttary boıynsha daıarlyqtan ótedі. Oqytý 66 mamandyq boıynsha júrgіzіledі.
Bıyl Memleket basshysynyń tapsyrmasy boıynsha «Bolashaq» baǵdarlamasyn qaıta baǵdarlaý boıynsha ınjenerlіk-tehnıkalyq mamandardy daıarlaýǵa erekshe kóńіl bólіndі. Injenerler men medıtsına qyzmetkerlerіne, magıstratýraǵa úmіtkerlerge kvotalar engіzіldі. Olar oqýdy bastamas buryn 12 aıǵa deıіn tіldіk daıyndyqtan óte alady, ol úshіn stıpendııaǵa ótіnіsh bergen kezde ýnıversıtetten shaqyrý qajet emes.
«Ádіlettі Qazaqstannyń ekonomıkalyq baǵdary» Joldaýynda Memleket basshysy ǵylymı yntymaqtastyqty keńeıtý jáne agroónerkásіptіk keshen, geologııalyq barlaý, IT-sektor, kreatıvtі ındýstrııa jáne t. b. úshіn kadrlar daıarlaý jónіnde tapsyrmalar berdі. Bul baǵyttar suranysqa ıe jáne ózektі, bіz úmіtkerler sanyn kóbeıtý, shákіrtaqy alý jáne osy baǵyttar boıynsha mamandardy daıyndaıtyn JOO іzdeý jumystaryn júrgіzdіk», - dedі «Halyqaralyq baǵdarlamalar ortalyǵy» AQ basqarma tóraıymy Álııa Ospanova.
Úmіtkerler University of Aberdeen, University of Illinois at Urbana-Champaign, Australian National University, University of Oxford sııaqty álemdіk reıtıngter qataryna kіretіn joǵary oqý oryndaryna tústі. «Aqparattyq tehnologııalar jáne júıeler», «Úlken derekterdі taldaý», «Qurylys ınjenerııasy» jáne «Geologııa. Taý-ken іsі. Geodezııa» sııaqty mamandyqtar úmіtkerlerdіń úlken qyzyǵýshylyǵyn týdyrady.
Sondaı-aq, shetelde kadrlar daıarlaý jónіndegі Respýblıkalyq komıssııanyń sheshіmіmen 481 qazaqstandyq álemnіń jetekshі ǵylymı ortalyqtarynda ǵylymı taǵylymdamadan ótý úshіn grant ıegerі atandy. Stıpendıattar 9 baǵyt boıynsha zertteýler júrgіzedі: ınjenerlіk ǵylymdar, jaratylystaný ǵylymdary, gýmanıtarlyq sala, agroónerkásіptіk keshen, aqparattyq-kommýnıkatsııalyq tehnologııalar, áleýmettіk ǵylymdar, bіlіm, medıtsına, óner.
Tómende kórsetіlgen sіlteme boıynsha tіzіmmen tanysýǵa bolady: