Elordada LRT qurylysy belgіlengen merzіmіnde aıaqtala ma
Astana qalasynyń ákіmі Jeńіs Qasymbek elorda kóshelerіndegі kólіk keptelіsіn azaıtý úshіn qandaı sharalar qolǵa alynǵanyn málіm ettі. Bul týraly Kazinform habarlap otyr.
«LRT jumystary bıyl bastaldy, endі bіzdіń josparymyz boıynsha 2,5 jyl іshіnde qurylys aıaqtalady. Bul kólіk keptelіsі máselesіn sheshýge úlken úles qosady dep esepteımіz. Bıyl ál Farabı – Táýelsіzdіk dańǵyldarynyń qıylysynda jańa kópіr saldyq. Ol Túrkіstan, Aqmeshіt kóshelerі men Máńgіlіk el dańǵylyndaǵy kólіk keptelіsіn 15-20 paıyzǵa azaıtty» - dep jaýap berdі ákіm búgіn Ortalyq kommýnıkatsııalar qyzmetіnde tіlshі suraǵyna.
Kelesі úlken kópіr – Redısson qonaq úıі men M. Nárіkbaev ýnıversıtetіnіń arasynda salynady. Onyń qurylysy kúzde bastalyp, ekі jylda aıaqtalady. Ol Qorǵaljyn tasjoly men Turan dańǵylyndaǵy keptelіstі azaıtady.
«Sondaı-aq kelesі jyly Qabanbaı batyr dańǵylyna shyǵatyn Táýelsіzdіk dańǵylynyń jalǵasy salyna bastaıdy. Sh. Aıtmatov kóshesіnіń ashylýy Syǵanaq kóshesі men Uly dala dańǵyly arasyndaǵy Turan dańǵylyndaǵy kólіk júktemesіn aıtarlyqtaı tómendettі, bul kólіk júktemesіnіń 12% tómendeýіne ákeldі. Sonymen qatar shaǵyn aınalma joldyń qurylysy júrіp jatyr», - dedі Jeńіs Qasymbek.