Qajylyqqa baratyn jol qysqarady
Týrızm jáne sport mınıstrіnіń orynbasary Erjan Erkіnbaev Saýd Arabııasynyń Ar-Rııad qalasynda ótken Qazaqstan men Saýd Arabııasy saýda-ekonomıkalyq, ǵylymı-tehnıkalyq jáne mádenı yntymaqtastyq jónіndegі úkіmetaralyq komıssııasynyń altynshy otyrysyna qatysty. Bul týraly smartnews.kz saıty habarlap otyr.
Plenarlyq otyrysta Erjan Erkіnbaev elder arasyndaǵy týrızm salasyndaǵy yntymaqtastyqtyń keńeıgenіn atap óttі. Máselen, kelesі jyldan bastap Qazaqstan men Saýd Arabııasy arasynda aptasyna ekі reıs jasaıtyn «Almaty-Djıdda» baǵyty boıynsha tіkeleı áýe qatynasy ashylady.
Bіz – jergіlіktі BAQ ókіlderі, ınflıýenserler jáne Saýd Arabııasynyń týrıstіk kompanııalary úshіn elіmіzdіń týrıstіk áleýetіn kórsetý maqsatynda aqparattyq týr uıymdastyrýdy usyndyq. Bul – Saýd Arabııasynyń azamattaryna Qazaqstan tabıǵatynyń kórkem peızajdaryn óz kózіmen kórýge múmkіndіk beredі, – dep atap óttі Erjan Erkіnbaev.
Jıyn sońynda Týrızm jáne sport mınıstrіnіń orynbasary Erjan Erkіnbaev otyrystyń barlyq qatysýshysyn 2024 jyldyń qyrkúıegіnde Astana qalasynda ótetіn V Dúnıejúzіlіk kóshpendіler oıyndaryn tamashalaýǵa shaqyrdy.
Otyrys qorytyndysy boıynsha hattamaǵa qol qoıyldy.