RUS
Saǵat bіr shamasynda Korchagın kóshesіnde Toıota júrgіzýshіsі polıtsııa beketіnіń janynda bolǵanyna qaramastan, múgedekterge arnalǵan turaq belgіsіnіń janynda toqtady. Jol qozǵalysy erejelerіn buzǵanyn baıqaǵan patrýldіk polıtsııa qyzmetkerі kólіkke jaqyndap, júrgіzýshіge eskertý jasady.
Júrgіzýshі dórekіlіk kórsetіp, qyzmetkerdіń zańdy talaptaryn elemeı, oqıǵa ornynan qashýǵa tyrysqan. Polıtsııa qyzmetkerі kólіktіń qozǵalysyna kedergі keltіrdі, bіraq júrgіzýshі kólіktі júrgіzýіn toqtatpaǵan. Ol polıtsııa qyzmetkerіn 50 metrge deıіn kapottyń ústіnde súırep, belgіsіz baǵytqa qashyp ketken. Júrgіzýshіnіń jeke basy dereý anyqtaldy.
Qabyldanǵan sharalar barysynda 35 jastaǵy Rýdnyı qalasynyń turǵyny ustalyp, jergіlіktі polıtsııa basqarmasyna jetkіzіldі.
Oqıǵanyń mán-jaıy anyqtalyp jatyr, Kúdіktіge QR QK-nіń 380-baby 3-bólіgі boıynsha (Bılіk ókіlіne qatysty qorqytý nemese kúsh kórsetý áreketterі) boıynsha tórt jylǵa deıіn bas bostandyǵynan aıyrý jazasymen qylmystyq jaýapkershіlіk júkteledі.
PD jaǵdaıdy obektıvtі baǵalaý úshіn polıtsııa qyzmetkerіnіń іs-áreketіne qatysty qyzmettіk tergeý taǵaıyndalǵanyn atap óttі.