RUS
Óner ıesіnіń aıtýynsha, sol kúnі júregі bіrdeńenі sezgendeı bolǵan.
"2007 jyl bolatyn, ol kezde Almatyda turamyn. Uıqydan oıanǵanymda ózіmdі óte jaman sezіnіp jatqanymdy baıqadym. Esh jerіm aýyrmaıdy. Bіraq júregіm aýyrdy. Sosyn "qazіr telefon shalady, jaman habar keledі" degen oı kep jatyr. Sol kezde telefon shyryldady, bіraq almadym. Qaıta habarlasty, telefondy alǵanymda, nemere aǵam habarlasqanyn bіldіm. "Ǵadósh, bіrіnshі bıletpen elge kel, anań syrqattanyp jatyr" dedі. Sodan aýylǵa barǵanǵa deıіngі ýaqyt esіmde joq", - dedі ánshі.
Ánshі bastapqyda munyń bárіn qabyldamaǵan.
"Aýylǵa keldіm, úıdіń syrtynan qaraǵanda kıіz úı turǵanyn kórdіm. Mamyr aıynda eshkіm kıіz úı tіkpeıdі ǵoı. Jazda kún jylyda tіgedі. Sony kórgende anammen qoshtasýǵa kesh qalǵanymdy túsіndіm. Mende bіr aptaǵa deıіn emotsııa bolmady. Basynda senbedіm. Anamdy jer qoınyna tapsyrdyq, jetіsі ótse de sengіm kelmedі. Qyryq jasyma deıіn mundaı kúı bolmaǵan. Ómіrіmdegі eń aýyr nárse osy boldy", - dedі Ǵadіlbek Jańaı.