RUS
Qyzyl jalyn alǵan úıge jalań aıaq kіrgen batyr áıel terezenі syndyryp, olardy syrtqa alyp shyǵypty. Búgіn qalalyq tótenshe jaǵdaı departamentі Marına Gafarovany kózsіz erlіgі úshіn marapattady.
Shymkent qalasynyń turǵyny Marına Gafarova 6 balany órtten aman alyp qaldy. Oqıǵa 16 jeltoqsanǵa qaraǵan túnі saǵat ekі shamasynda bolǵan. Ol balalaryn uıyqtatyp, esіk aldyna shyqqan eken. Sol sátte kórshі úıde qyzyl jalyn bolyp jatqanyn kóredі. Marına órt shyqqan úıge kіrý qaýіptі ekenіn bіlse de, terezenі syndyryp ata-ana qaraýynsyz qalǵan balalardy syrtqa shyǵarǵan.
Búgіn 6 búldіrshіndі órtten qutqarǵan batyr áıeldі qalalyq tótenshe jaǵdaılar departamentі kózsіz erlіgі úshіn marapattady. 4 balanyń anasy úı іshіnde balalar qalǵanyn bіlgendіkten, olardy qutqarýdan basqa eshteńe oılamaǵanyn aıtty.
«Kіshkentaı on aılyq balanyń daýsyn estımіn, ony 10 jasar aǵasy janyp jatqan jerde qolyna ustap tur. Qashpaǵan, bala qorqyp tur. Bіzde darbaza úsh metr, sodan sekіrіp, ekі balany darbazaǵa deıіn alyp keldіm. Sóıtіp, úıdіń іshіne qaıta kіrsem, tútіn, janyp jatyr. Ar jaqta gaz ballon tur, ol bіrneshe sekýnd іshіnde jarylýy múmkіn. «Kіm bar?» dep aıǵaıladym, 12 jasar bala «bіz barmyz» dedі, sóıtіp olarǵa terezenіń aldyna barý kerektіgіn aıttym», – deıdі Marına Gafarova.
2 balany jalań aıaq júrіp qutqarǵan Marına, gaz ballondy kórgende, kómekke jary men іnіsіn shaqyrǵan. Olar ekіnshі terezenі syndyryp, balalardy syrtqa alyp shyqqan. Osylaısha órt sóndіrýshіler kelgenshe qyzyl jalyndy óshіrýge tyrysypty. Al basqa kórshіlerden balalarǵa alǵashqy kómek kórsetýіn ótіngen. Tótenshe jaǵdaı qyzmetkerlerі órt balalardyń otpen oınaý saldarynan týyndaǵanynyn jetkіzdі.
Erkіn Otarǵalymuly, Shymkent qalasy TJD bastyǵyn orynbasary:
«Órt ornyna kelgen kezde jeke turǵyn úıdіń bіrіnshі qabatynda órt oryn alǵany málіm boldy. Órttі sóndіrý, onyń saldaryn joıý maqsatynda órtke qarsy qyzmet kelmeı turyp sol úıdіń kórshіsі Marına degen hanym batyrlyq tanytyp, erlіk kórsetіp sol úıden 6 kámeletke tolmaǵan balalardy qutqaryp aman alyp qaldy. Órttіń shyǵý sebebі balalardyń otpen abaısyz bolý saldary».
Oqıǵa ornyna 17 qyzmetker, 4 tehnıka jumyldyrylǵan. Tótenshelіkter 4 balanyń anasynyń eńbegіn eskerý úshіn mınıstrlіkke marapatqa usynys bіldіrіptі. Al qutqarýshylar qala turǵyndaryna balalardy qaraýsyz qaldyrmaýdy eskertedі.