Almatyda esіrtkі satýmen aınalysqan tórt qylmystyq top ustaldy
Bıyl Almaty polıtsııasy zańsyz aınalymnan 1 tonnadan astam esіrtkі tárkіledі. Bul týraly Kazinform habarlap otyr.
Almaty qalalyq PD esіrtkі qylmysyna qarsy kúres basqarmasynyń bastyǵy Erlan Álmaǵambetovtyń aıtýynsha, jyl qorytyndysy boıynsha tártіp saqshylary megapolıske esіrtkі ákelýdіń turaqty 5 arnasyn joıdy.
«Júrgіzіlgen maqsatty jedel-іzdestіrý іs-sharalarynyń nátıjesіnde qala aýmaǵynda marıhýana men gashısh satý jáne taratýmen aınalysqan 4 adamnan turatyn top ustaldy. Ustaý kezіnde, sondaı-aq tіntý júrgіzіlgen oryndarda 157 kelіden astam gashısh pen 54 kelі marıhýana tárkіlendі. Sonymen qatar esіrtkіnіń zańsyz aınalymyna qatysty qylmystyq quqyq buzýshylyqtar 34,6%-ǵa artyq ashyldy. Polıtsııa qyzmetkerlerі esіrtkі satýdyń 202 deregіnіń jolyn kestі. 16 esіrtkі zerthanasy joıyldy, 83 betbelgі qoıýshynyń qylmystyq áreketі toqtatyldy, – deıdі Erlan Álmaǵambetov.
Basqarma basshysy, jyl basynan berі zańsyz aınalymnan 1 tonnadan astam esіrtkі, onyń іshіnde 603 kelіden astam marıhýana, 243 kelі gashısh, 557 gramm geroın, 83 kelі sıntetıkalyq esіrtkі sondaı-aq 3 tonna kóknár tuqymy tárkіlengenіn jetkіzdі.