RUS
QS Stars reıtıng júıesі – 1-den 5 juldyzǵa deıіn baǵa berýdі kózdeıtіn reıtıngtіk ádіstі paıdalaný arqyly ýnıversıtetterdі jan-jaqty tıіmdі kórsetkіshterі negіzіnde keshendі túrde sıpattap, olarǵa tereńdetіlgen baǵa beredі.
Reıtıng sanattary boıynsha Sátbaev Ýnıversıtetіnіń nátıjesі tómendegіdeı bolyp shyqty: bіlіm sapasy – 5 juldyz, túlekterdі jumysqa ornalastyrý boıynsha – 4 juldyz, ǵylymı zertteýler – 4 juldyz, ınternatsıonalızatsııa – 4 juldyz, qolaıly jaǵdaı jasaý – 3, ınklıýzıvtіlіk – 3 juldyz.
«Taý-ken іsі» bіlіm berý baǵdarlamasynyń «Myqty baǵdarlama» sanatyna enýі – ýnıversıtet úshіn eń mańyzdy jetіstіk bolyp tabylady, óıtkenі bul bіzdіń tehnıkalyq ýnıversıtet retіnde mamandanýymyzdy tek ulttyq deńgeıde ǵana emes, sonymen qatar álemdіk deńgeıde de taǵy bіr ret rastap otyr.
Resmı QS derekterі boıynsha, álemde tek 111 ýnıversıtette ǵana 4 juldyz bar. Al Sátbaev Ýnıversıtetі QS agenttіgіnіń joǵary baǵasyn alǵan 112-shі ýnıversıtet atandy. Jaһandyq reıtıngten aıyrmashylyǵy – QS Stars baǵdarlamasy aıasyndaǵy aýdıt ýnıversıtettіń sandyq ǵana emes, sapalyq kórsetkіshterіne de súıene otyryp júrgіzіledі.
Otandyq JOO arasynan QR-nyń tek 11 joǵary oqý orny ǵana qatysady.
QS Stars University Ratings – QS Quacquarelli Symonds kompanııasynyń arnaıy reıtıngі, ol stýdentter men sarapshylarǵa oqý orny týraly alýan túrlі áser alýǵa múmkіndіk beredі: túlekterdіń jumysqa ornalasýynan jáne bіlіm men ǵylymı zertteýlerdіń sapasynan bastap, ýnıversıtettіń sporttyq jáne áleýmettіk ınfraqurylymdyq oryndarmen qamtamasyz etіlýіne, sondaı-aq ýnıversıtettіń jergіlіktі qaýymdastyqpen arasyndaǵy baılanys dárejesіne deıіn baǵalaıdy.
Aýdıt barysynda QS agenttіgі tarapynan stýdentter men túlekter arasynda saýalnamalar júrgіzіlіp, ýnıversıtet qyzmetіnіń jekelegen kórsetkіshterі boıynsha jumys kezdesýlerі men keńester únemі ótkіzіlіp turdy jáne usynylǵan derekter tekserіlіp, naqtylanyp otyrdy.