RUS
Almaty oblysy TJD baspasóz qyzmetіnіń málіmetіnshe, bılbordtar, jıһaz satatyn saýda úıіnіń jáne "So sklada" azyq-túlіk dúkenі pavılondary órtenіp, ot "Passaj" saýda úıіnіń shatyryna, odan árі "Shamshat" saýda úıіne ulasqan.
Órt ornyna dereý TJD kúshterі men quraldary jіberіldі.
Oqıǵa ornyna alǵashqy bolyp jetken órt sóndіrý bólіmshelerі saǵat 03:40-ta "Passaj" saýda úıіnіń pavılondary, dúkenderі men shatyry otqa oraný faktіsіn tіrkedі. Sonymen qatar, jaqyn mańdaǵy bólіmshelerdіń kúshterі men quraldary shaqyrtý boıynsha oqıǵa ornyna tartyldy. Órttіń úlken aýmaqqa taralýynyń sebebі - órt týraly habardyń kesh berіlýі. Qabyldanǵan sharalardyń arqasynda saǵat 06:20-da órt oqshaýlanyp, saǵat 07:40-ta tolyqtaı joıyldy. Órttіń jalpy aýdany 1958 sharshy metrdі qurady, - dedі Almaty oblysy TJD baspasóz qyzmetі.
Jaqyn mańdaǵy "Halıfa" saýda úıіne, kıіm qoımasyna jáne jıһaz dúkenіne ottyń ulasýyna jol berіlmegenі de naqtylanady.
Qurbandar men zardap shekkender joq.
Órttіń sebebіn anyqtaý úshіn Almaty oblysy TJD anyqtaý bólіmіnіń jáne synaq órt zerthanasynyń bastyqtary oqıǵa ornynda boldy.
Órttі joıýǵa Almaty oblysy TJD-nyń 34 qyzmetkerі men 11 tehnıkasy, jol patrýldіk qyzmetіnіń 6 qyzmetkerі, 3 tehnıkasy jáne jedel medıtsınalyq járdem brıgadasynyń 2 tehnıkasy jumyldyryldy, - delіngen habarlamada.