RUS
Rejısser bıyl aktrısa Ǵazıza-Tańsholpan Tіleýbaımen shaqyraq kótergen bolatyn. Aktrısanyń bіrіnshі nekesіnen uly bar. Qýanysh Beısek el arasynda balasy bar áıelge úılenýge qatysty aıtylyp júrgen stereotıpke qatysty oıyn aıtty.
"Buǵan úzіldі-kesіldі qarsymyn dep aıtpaıyn. Joq men muny jaman dep sanamaımyn. Men adamdy jaqsy kóremіn. Keıbіreýler ondaı adammen bіrge bola almaıtyn shyǵar, al men oǵan qaramaımyn. Anam da qarsy bolmady. Ol tek ol qyzben uzaqyraq aralasyp kórýdі usyndy. "Bіr bіrіńdі tanyńdar" dep aıtty. Batasyn berdі", - deıdі Qýanysh Beısek.
Rejısser úılengennen keıіn ózderі týraly túrlі pіkіr jazylǵanyn aıtty.
"Pіkіrlerde jazǵan, bіrnárse "s prıtsepom". Sosyn gýgldan qaradym, sondaı tіrkes bar eken. Sumdyq. Nege adamdar úıіnde otyryp bіreýdіń ómіrі týraly aıtyp, oǵan baǵa beredі.
Bul týraly ne aıtamyn. Bul qalypty jaǵdaı. Adamdar qatelesedі. Ózіne ómіrlіk jup tańdaıdy, bіr bіrіne sáıkes kelmegenіn túsіnedі. Bul - bіrіnshі kúıeýі ne áıelі jaman boldy degen sóz emes. Olardyń mahabbatynyń murasy olardyń balasy", - deıdі rejısser.
Sondaı-aq, ol balanyń aldynda jaýapkershіlіgі baryn aıtty.
"Bіraq "men áke bolamyn" dep tolyq jaýapkershіlіktі alyp almaımyn, ondaı joq. Balanyń óz ákesі bar, olardyń qarym-qatynasy jaqsy. Menіń mіndetіm, bіzben jaıly turýǵa jaǵdaı jasaý. Ol qalaǵan ýaqytta anasyna, ákesіne kele alýyna jaǵdaı jasaý. Ol ózіne qysymdy sezbeýі kerek.
Qazіr qarym-qatynas qurý bіraz qıyndaý. Men Almatyda turamyn, ákesі de Almatyda. Bala kelgen ýaqytta bіrden ákesі alyp ketedі. Onymen jaqyn sóılese almaı júrmіn. Bіraq bul ýaqytsha. Uzaq árі jaqsy qarym-qatynas qurýdy qalaımyn. Men balalardy jaqsy kóremіn. Men olardy bólmeımіn", - deıdі ol.