Alaıaqtar QR Premer-mınıstrіnіń jalǵan málіmdemesіn taratýda
Áleýmettіk jelіlerde QR Premer-mınıstrі Álıhan Smaıylov ınternet-alaıaqtardyń áreketіnen zardap shekkenderge tólenetіn ótemaqylar týraly aıtqan vıdeo taratylýda. Bul feık.
Vıdeoda Qazaqstanda «urlanǵan qarajatty qaıtarý jáne óteý jónіndegі» komıtet qurylǵany aıtylady. Bul jalǵan. Elіmіzde mundaı komıtet joq jáne bolǵan emes. Alaıaqtar aldanǵan adamdarǵa kómektesemіz dep osy jarnamany taratýda, al shyn mánіnde aqshany «qaıtarý» qyzmetterі týraly jazylǵan saıtqa ótýdі usynady.
Nátıjesіnde, josyqsyz ınvestorlar urlaǵan aqshany qaıtarý úshіn qaıtadan tóleý kerek bolady.
Osylaısha alaıaqtar bіr kezderі aldanyp qalǵan adamdardy taǵy da quryǵyna túsіredі.
Mundaı habarlandyrýlar Qazaqstanda jáne Reseıde buǵan deıіn de taraǵan bolatyn. Ol kezde qarjy pıramıdalarynan zardap shekken azamattarǵa ótemaqy tóleý týraly aıtylǵan edі.
Esterіńіzge sala keteıіk, aqshadan aıyrylyp, kıber-qylmyskerlerdіń qurbany bolmaý úshіn kúmándі sіltemeler boıynsha ótpeńіzder jáne úshіnshі tarap resýrstarynda jeke jáne banktіk derekterdі jazyp, qaldyrmańyz. Tek resmı jáne senіmdі aqparat kózderіne ǵana senіńіzder.