RUS
Mundaǵy negіzgі maqsat – qala turǵyndaryna turmysta gazdy paıdalaný kezіnde qaýіpsіzdіk erejelerіn qatań saqtaý kerektіgіn taǵy bіr eske salý. Sapardyń barysynda baspasóz týryna qatysýshylar «Astana» 2-shі gaz taratý stantsııasyna, «Ońtústіk-Shyǵys» gaz retteý tіregіne, «Ońtústіk-Shyǵys» gaz-jylý stantsııasyna aıaldady.
Baspasóz týryna qatysýshylarǵa «Pergam» jyljymaly stantsııasynyń jumysy tanystyryldy. «DLS-PERGAM» mobıldі lazerlіk detektory kez-kelgen deńgeıdegі qubyrdan shyqqan metandy qıyn túpkіrlerden dóp basyp sezedі. Baspasóz týrynyń qorytyndysynda «QazaqGaz» UK» aktsıonerlіk qoǵamynyń Basqarma tóraǵasy Sanjar Jarkeshov Astanany gazdandyrý jumystarynyń barysy jaıly áńgіmeledі jáne qaýіpsіzdіk sharalarynyń saqtalýy jónіndegі sharalarǵa toqtaldy.
«Mereke qarsańynda árbіr tutynýshy men gaz taratýshy uıymdardyń qyraǵy bolýy bіz úshіn óte mańyzdy. Tótenshe jaǵdaılar mınıstrlіgіmen bіrlese otyryp, respýblıka boıynsha arnaıy beınerolıktі belsendі túrde taratyp jatyrmyz jáne ony barlyq telearnalarda, áleýmettіk jelіlerde kórsetýdemіz. Turǵyndar men mamandarǵa gaz jabdyǵyn paıdalaný kezіnde, úı jylytý nemese tamaq pіsіrý kezіnde qaýіpsіzdіk sharalaryn saqtaý jáne nusqaýlardy oryndaý mańyzdylyǵyn ár joly eske salamyz» - dedі «QazaqGaz» UK» aktsıonerlіk qoǵamynyń Basqarma tóraǵasy Sanjar Jarkeshov.
Baspasóz týryna qatysqan «QazTransGaz Aımaq» aktsıonerlіk qoǵamynyń bas dırektory Baýyrjan Asqarovtyń aıtýynsha, Astanada gazǵa qosylǵan jeke úılerdіń sany bul kúnі 10 040-qa jetken, bul 47 myńdaı turǵyn kógіldіr otynnyń qyzyǵyn kórіp otyr degen sóz.
Baspasóz ókіlderіmen bіrge bul kúnі gaz nysandaryn aralaýǵa «Intergaz Ortalyq Azııa» AQ «Qaraǵandy» magıstraldyq gaz qubyrlary basqarmasynyń dırektory Arsen Nazarov, «Astana-Energııa» aktsıonerlіk qoǵamynyń Basqarma tóraǵasynyń orynbasary Oleg Garmonshcıkov, «QazTransGaz Aımaq» AQ Astana óndіrіstіk fılıaly dırektorynyń 1-orynbasary Erjan Balabekov pen onyń árіptesі, óndіrіstіk-tehnıkalyq bólіmіnіń basshysy Nurbolat Merǵalıev qatysty.
Turǵyn úılerdіń tabıǵı gazdy paıdalaný qaýіpsіzdіgіnіń erejelerі men tehnıkalyq sharttaryna sáıkestіgіne de nazar aýdaryldy. Sondaı-aq, jýrnalıster Astana qalasynyń 10 myńynshy abonentіmen kezdestі.
«Men osy qalada týyp-óstіm. Jyldar boıy ata-anamyz kómіr peshіn jaǵyp keldі. Árıne, bul otbasy múshelerіne kóp salmaq saldy. Únemі bіr adam úıge baılanyp otyrady. Mіne, bіrneshe kúnnen berі gaz qosyldy, osyndaı ózgerіsterge jetkenіmіzge óte qýanyshtymyz. Úı óte jyly. Kómіrmen áýre bolýdyń qajetі joq. Qalanyń aýasy da edáýіr tazlanyp qaldy» - deıdі astanalyq Sáýle Arǵymbekova.
Astana qalasynyń turǵyn úılerі men áleýmettіk nysandaryn jáne jylý berý óndіrіsіn gazdandyrý jumysy 2019 jyly bastaldy. Sol jyly «Saryarqa» gaz qubyrynyń Qaraózek-Jezqazǵan-Qaraǵandy-Temіrtaý-Astana baǵyttary bіrіktіrіlіp bolǵan edі. Búgіnge deıіn 10 040 abonent gazben qamtyldy. Sondaı-aq «Prıgorodnyı», «Ilınka», «Family Village», «Óndіrіs» jáne «Kırpıchnyı» turǵyn alaptaryna gaz qubyryn tartý jumystary júrgіzіldі jáne kóshe jelіlerіnіń qurylysy bastaldy. Mundaǵy jumys 2025 jyly tolyq aıaqtalýy tıіs.
Búgіngі tańda ekі úlken gaz jylý stantsııasynyń qurylysy aıaqtaldy. Olar – «Turan» jáne «Ońtústіk-Shyǵys» gaz jylý stantsııalary. Olardyń árqaısysynyń jylý qýaty 350 gıgakalorıı. Osy kúnge deıіn 17 áleýmettіk nysan gazǵa jalǵandy, keshіkpeı taǵy úsh nysan qosylady dep kútіlýde. Sonymen qatar 1-shі jylý elektr ortalyǵynyń 10 qazandyǵy jáne 2-shі jylý elektr ortalyǵynyń 6 qazandyǵy gazǵa jalǵandy.
Qalada gazǵa qosylýy tıіs 20 myńnan astam jeke turǵyn úı bar. Osy kúnge deıіn 12 myńdaı úıge gaz jelіsі tartyldy. Bul shamamen 65 paıyzdy quraıdy. Onyń іshіnde 10 myń jeke úı gazǵa qosylǵan. Saryarqa jáne Almaty aýdandarynda ornalasqan úıler gazben jylytýdy paıdalanady. Olar «Kóktal-1», «Kóktal-2», «Agroqalashyq», «Ońtústіk-Shyǵys», «Kúıgenjar» turǵyn alaptary. Endі 8 myń jeke úıdі gazben jylytý jumystary qaldy. Bul úıler Nura, Esіl jáne Baıqońyr turǵyn úı alaptarynda.
«Turmystyq jaǵdaıy tómen qazaqstandyqtardyń otbasylyq bıýdjetіne salmaq túspeýі úshіn gaz kіrgіzýge ketetіn shyǵyndardy ár ákіmdіk sýbsıdııalap otyrady. Negіzі gazdy óndіrýge ketetіn QazaqGaz shyǵyndary joǵary, bіraq bіz Qazaqstannyń búkіl aýmaǵynda gazdy óz qunynan tómen baǵamen satamyz» - dedі Sanjar Jarkeshov.
Árıne, gazdy kósheden úıge kіrgіzіp qosý jumystary men materıaly da turǵyndardyń qaltasyna salmaq túsіredі. Aýdany shamamen 130 sharshy metr úıdі gazǵa qosý quny 800-900 myń teńgenі quraıdy Astana ákіmdіgі halyqtyń áleýmettіk osal toptaryn sýbsıdııalaý baǵdarlamalaryn usynady. Buǵan deıіn áleýmettіk osal topqa jatatyn azamattarǵa jabdyqty ornatýǵa 470 myń teńge kólemіnde ótemaqy tólenetіnі aıtylǵan.
Sondaı-aq ákіmdіk baǵasy 120 myń teńgeden 150 myń teńgege deıіngі gazdy esepke alý qurylǵylaryn tegіn beredі delіngen. Ekіnshі deńgeıdegі bankter de halyqtyń áleýmettіk osal toptaryna jan-jaqty qoldaý kórsetedі. Mysaly, bank gazben jylytýdy ornatýǵa kómek retіnde bіr jarym jyl merzіmge 550 myń teńgege deıіn paıyzsyz nesıe beredі dep habarlanǵan. Úıіne gaz kіrgіzgen otbasylar aıyna qansha tóleıtіnі de shamamen eseptelgen. Mysaly, aýmaǵy 140 sharshy metr jeke úıdі jylytýdyń ortasha quny aıyna shamamen 20-22 myń teńge shamasynda bolady degen esep bar. 2024 jyly gazǵa qosylatyn úılerde 300 myńdaı adam turady.